bachpan

Nitin Nayab

bachpan

Nitin Nayab

MORE BYNitin Nayab

    vo galiyoñ meñ bārish vo gulnār chehre

    tamannāoñ ke vo bhañvar gahre gahre

    bharī dhuup meñ vo patañgeñ pakaḌnā

    ''vo bātoñ bātoñ meñ laḌnā jhagaḌnā''

    koī kaash mujh par ye ehsān kar de

    bachpan ke kuchh pal mere naam kar de

    maiñ ab us purāne mohalle meñ kar

    ḳhudā se ye fariyād karne lagā huuñ

    maiñ bachpan tujhe yaad karne lagā huuñ

    vo āñgan meñ lahrāte sāvan ke jhūle

    rahe yaad har dam kabhī ham na bhūle

    vo guDDe vo guḌiyā vo pyāre khilaune

    vo nannhī āñkhoñ ke sapne salone

    na aage chintā na pīchhe ke ġham the

    na thī fikr koī na rañj-o-alam the

    palaT kar suhāne paloñ ke safoñ ko

    maiñ dil ko phir ābād karne lagā huuñ

    maiñ bachpan tujhe yaad karne lagā huuñ

    kabhī nañge pairoñ se galiyoñ meñ jaanā

    vo bārish ke paanī meñ kashtī chalānā

    vo ḳhvāboñ ḳhayāloñ meñ pariyoñ bāteñ

    vo holī ke din vo divālī rāteñ

    vo jab saath duniyā ke bandhan nahiñ the

    vo pal ḳhūb-sūrat the vo din hasīñ the

    vo lamhe vo yādeñ sajā kar ke yaaro

    ye nāshād dil shaad karne lagā huuñ

    maiñ bachpan tujhe yaad karne lagā huuñ

    wo galiyon mein barish wo gulnar chehre

    tamannaon ke wo bhanwar gahre gahre

    bhari dhup mein wo patangen pakaDna

    wo baaton hi baaton mein laDna jhagaDna

    koi kash mujh par ye ehsan kar de

    ki bachpan ke kuchh pal mere nam kar de

    main ab us purane mohalle mein ja kar

    KHuda se ye fariyaad karne laga hun

    main bachpan tujhe yaad karne laga hun

    wo aangan mein lahraate sawan ke jhule

    rahe yaad har dam kabhi hum na bhule

    wo guDDe wo guDiya wo pyare khilaune

    wo nannhi si aankhon ke sapne salone

    na aage ki chinta na pichhe ke gham the

    na thi fikr koi na ranj-o-alam the

    palaT kar suhane palon ke safon ko

    main dil ko phir aabaad karne laga hun

    main bachpan tujhe yaad karne laga hun

    kabhi nange pairon se galiyon mein jaana

    wo barish ke pani mein kashti chalana

    wo KHwabon KHayalon mein pariyon ki baaten

    wo holi ke din wo diwali ki raaten

    wo jab sath duniya ke bandhan nahin the

    wo pal KHub-surat the wo din hasin the

    wo lamhe wo yaaden saja kar ke yaro

    ye nashad dil shad karne laga hun

    main bachpan tujhe yaad karne laga hun

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now