kal jab daraKHt na honge

bayā se chiḌiyā

chiḌiyā se tote

aur tote se kavve

nīl-kañTh wōdpecker

aur laalī tak

parindoñ jānvaroñ

aur insānoñ kā

rizq aur jīvan

bāham

aapas meñ juḌe hue haiñ

daraḳhtoñ paudoñ

phūloñ aur phaloñ se

ham sab kā jīvan hai

daraḳhtoñ kī hariyālī tak

ham sab hariyal haiñ

kal jab

daraḳht nahīñ hoñge

to

kuchh bhī na hogā

bad-baḳhtī ham par

kutte kī sūrat bhauñkegī

kal ham ko

sab ārām mayassar hoñge

lekin

ham ḳhush-baḳht na hoñge

shāyad

jiine kī sarsabz tamannā

Daalī Daalī

sisak sisak kar

mar jā.egī

ye taaj aur taḳht na hoñge

shāyad

vīrān samay

bārish ko tarseñge

har-sū aag ke sho.ale hoñge

tab ham par

dhueñ kālak

aur

carbon ke ajzā barseñge

jiinā hai to bāhar aao

apne liye

aur aane vaalī nasloñ kī

ḳhātir

daraḳht lagāo

bāhar aao

aaj parinde aur jānvar

mushkil meñ haiñ

jald hamārī baarī hai

dekho

sar pe maut khaḌī hai

aur ban par

vahshat taarī hai

pahle

jahāñ nadī bahtī thī

ab ke vahāñ par

ḳhuun kā dariyā jaarī hai

fasleñ ġhalla aur

daraḳht haiñ

sab kī zarūrat

kisān hai

yā koī haarī hai

maañg sabhī kī

gosht hai

duudh aur phal haiñ

sabzī aur tarkārī hai

vo ghar bhī

kyā ghar hai jahāñ par

phal phuul haiñ

na phulvārī hai

kal jab daraḳht nahīñ hoñge

ham ḳhush-baḳht nahīñ hoñge

baya se chiDiya

chiDiya se tote

aur tote se kawwe

nil-kanTh woodpecker

aur lali tak

parindon jaanwaron

aur insanon ka

rizq aur jiwan

baham

aapas mein juDe hue hain

daraKHton paudon

phulon aur phalon se

hum sab ka jiwan hai

daraKHton ki hariyali tak

hum sab hariyal hain

kal jab

daraKHt nahin honge

to

kuchh bhi na hoga

bad-baKHti hum par

kutte ki surat bhaunkegi

kal hum ko

sab aaram mayassar honge

lekin

hum KHush-baKHt na honge

shayad

jine ki sarsabz tamanna

Dali Dali

sisak sisak kar

mar jaegi

ye taj aur taKHt na honge

shayad

viran samay

barish ko tarsenge

har-su aag ke shoale honge

tab hum par

dhuen kalak

aur

carbon ke ajza barsenge

jina hai to bahar aao

apne liye

aur aane wali naslon ki

KHatir

daraKHt lagao

bahar aao

aaj parinde aur jaanwar

mushkil mein hain

jald hamari bari hai

dekho

sar pe maut khaDi hai

aur ban par

wahshat tari hai

pahle

jahan nadi bahti thi

ab ke wahan par

KHun ka dariya jari hai

faslen ghalla aur

daraKHt hain

sab ki zarurat

kisan hai

ya koi haari hai

mang sabhi ki

gosht hai

dudh aur phal hain

sabzi aur tarkari hai

wo ghar bhi

kya ghar hai jahan par

phal phul hain

na phulwari hai

kal jab daraKHt nahin honge

hum KHush-baKHt nahin honge