vo yuuñ milā thā ki jaise kabhī na bichhḌegā

vo yuuñ gayā ki kabhī lauT kar nahīñ aayā

wo yun mila tha ki jaise kabhi na bichhDega

wo yun gaya ki kabhi lauT kar nahin aaya

haal hamārā pūchhne vaale

kyā batlā.eñ sab achchhā hai

haal hamara puchhne wale

kya batlaen sab achchha hai

kuchh aur tarah kī mushkil meñ Dālne ke liye

maiñ apnī zindagī āsān karne vaalā huuñ

kuchh aur tarah ki mushkil mein Dalne ke liye

main apni zindagi aasan karne wala hun

ek manzar hai ki āñkhoñ se saraktā hī nahīñ

ek saa.at hai ki saarī umr par taarī huī

ek manzar hai ki aankhon se sarakta hi nahin

ek saat hai ki sari umr par tari hui

log kis kis tarah se zinda haiñ

hameñ marne kā bhī salīqa nahīñ

log kis kis tarah se zinda hain

hamein marne ka bhi saliqa nahin