abhī hameñ guzārnī hai ek umr-e-muḳhtasar

magar hamārī umr-e-muḳhtasar meñ kitnī der hai

abhi hamein guzarni hai ek umr-e-muKHtasar

magar hamari umr-e-muKHtasar mein kitni der hai

faqīr-e-shahr bhī rahā huuñ 'shahryār' bhī magar

jo itminān faqr meñ hai tāj-o-taḳht meñ nahīñ

faqir-e-shahr bhi raha hun 'shahryar' bhi magar

jo itminan faqr mein hai taj-o-taKHt mein nahin

na dastakeñ na sadā kaun dar pe aayā hai

faqīr-e-shahr hai yā shahryār dekhiyegā

na dastaken na sada kaun dar pe aaya hai

faqir-e-shahr hai ya shahryar dekhiyega

samā.ī kis tarah merī āñkhoñ kī putliyoñ meñ

vo ek hairat jo ā.īne se bahut baḌī thī

samai kis tarah meri aankhon ki putliyon mein

wo ek hairat jo aaine se bahut baDi thi

tujh se bhī kab huī tadbīr mirī vahshat kī

tū bhī muTThī meñ kahāñ bheñch sakā paanī ko

tujh se bhi kab hui tadbir meri wahshat ki

tu bhi muTThi mein kahan bhench saka pani ko