āḳhirī diid hai aao mil leñ

rañj be-kār hai kyā honā hai

aaKHiri did hai aao mil len

ranj be-kar hai kya hona hai

apnoñ kī chāhatoñ ne bhī kyā kyā diye fareb

rote rahe lipaT ke har ik ajnabī ke saath

apnon ki chahaton ne bhi kya kya diye fareb

rote rahe lipaT ke har ek ajnabi ke sath

chāñdnī ke haath bhī jab ho ga.e shal raat ko

apne siine par sambhālā maiñ ne bojhal raat ko

chandni ke hath bhi jab ho gae shal raat ko

apne sine par sambhaala main ne bojhal raat ko

jañgal kī dhuup chhāñv hī jañgal kā husn hai

sāyoñ ko bhī qubūl karo raushnī ke saath

jangal ki dhup chhanw hi jangal ka husn hai

sayon ko bhi qubul karo raushni ke sath

maiñ har ik haal meñ thā gardish-e-daurāñ kā amiiñ

jis ne duniyā nahīñ dekhī mirā chehra dekhe

main har ek haal mein tha gardish-e-dauran ka amin

jis ne duniya nahin dekhi mera chehra dekhe