tū apnī marzī ke sabhī kirdār aazmā le

mire baġhair ab tirī kahānī nahīñ chalegī

tu apni marzi ke sabhi kirdar aazma le

mere baghair ab teri kahani nahin chalegi

ham ne ghar kī salāmtī ke liye

ḳhud ko ghar se nikāl rakkhā hai

hum ne ghar ki salamti ke liye

KHud ko ghar se nikal rakkha hai

zarā sī der tujhe aa.ina dikhāyā hai

zarā sī baat par itne ḳhafā nahīñ hote

zara si der tujhe aaina dikhaya hai

zara si baat par itne KHafa nahin hote

lahje aur āvāz meñ rakkhā jaatā hai

ab to zahr alfāz meñ rakkhā jaatā hai

lahje aur aawaz mein rakkha jata hai

ab to zahr alfaz mein rakkha jata hai

samajh meñ aa to saktī hai sabā kī guftugū bhī

magar is ke liye ma.asūm honā lāzmī hai

samajh mein aa to sakti hai saba ki guftugu bhi

magar is ke liye masum hona lazmi hai