ajab hairat hai akasr dekhtā hai mere chehre ko

ye kis nā-āshnā kā aa.ine meñ aks rahtā hai

ajab hairat hai akasr dekhta hai mere chehre ko

ye kis na-ashna ka aaine mein aks rahta hai

ek ik saañs meñ sadiyoñ kā safar kāTte haiñ

ḳhauf ke shahr meñ rahte haiñ so Dar kāTte haiñ

ek ek sans mein sadiyon ka safar kaTte hain

KHauf ke shahr mein rahte hain so Dar kaTte hain

ek hañgāma sā yādoñ kā hai dil meñ 'az.har'

kitnā ābād huā shahr ye vīrāñ ho kar

ek hangama sa yaadon ka hai dil mein 'azhar'

kitna aabaad hua shahr ye viran ho kar

ik maiñ ki ek ġham kā taqāzā na kar sakā

ik vo ki us ne maañg liye apne ḳhvāb tak

ek main ki ek gham ka taqaza na kar saka

ek wo ki us ne mang liye apne KHwab tak

kal shajar kī guftugū sunte the aur hairat meñ the

ab parinde bolte haiñ aur shajar ḳhāmosh haiñ

kal shajar ki guftugu sunte the aur hairat mein the

ab parinde bolte hain aur shajar KHamosh hain