DhūñDh kar dil meñ nikālā tujh ko yaar

tū ne ab mehnat mirī be-kār kī

DhunDh kar dil mein nikala tujh ko yar

tu ne ab mehnat meri be-kar ki

jā-ba-jā ham ko rahī jalva-e-jānāñ kī talāsh

dair-o-ka.aba meñ phire sohbat-e-rahbāñ meñ rahe

ja-ba-ja hum ko rahi jalwa-e-jaanan ki talash

dair-o-kaba mein phire sohbat-e-rahban mein rahe

kahtā hai yaar jurm kī paate ho tum sazā

insāf agar nahīñ hai to be-dād bhī nahīñ

kahta hai yar jurm ki pate ho tum saza

insaf agar nahin hai to be-dad bhi nahin

nahīñ duniyā meñ āzādī kisī ko

hai din meñ shams aur shab ko qamar band

nahin duniya mein aazadi kisi ko

hai din mein shams aur shab ko qamar band

patā miltā nahīñ us be-nishāñ kā

liye phirtā hai qāsid jā-ba-jā ḳhat

pata milta nahin us be-nishan ka

liye phirta hai qasid ja-ba-ja KHat