har samt hai vīrānī sī vīrānī kā aalam

ab ghar sā nazar aane lagā hai mirā ghar bhī

har samt hai virani si virani ka aalam

ab ghar sa nazar aane laga hai mera ghar bhi

simTā tirā ḳhayāl to dil meñ samā gayā

phailā to is qadar ki samundar lagā mujhe

simTa tera KHayal to dil mein sama gaya

phaila to is qadar ki samundar laga mujhe

hotī rahī āñkhoñ se jo yuuñ ḳhuun kī bārish

dil ḳhatm na ho jaa.e jigar ḳhatm na ho jaa.e

hoti rahi aankhon se jo yun KHun ki barish

dil KHatm na ho jae jigar KHatm na ho jae

ghar meñ bhī nazar ā.eñge andāz-e-bayābāñ

jab tak mirī vahshat kā asar ḳhatm na ho jaa.e

ghar mein bhi nazar aaenge andaz-e-bayaban

jab tak meri wahshat ka asar KHatm na ho jae