unhoñ ne apne mutābiq sazā sunā dī hai

hameñ sazā ke mutābiq bayān denā hai

unhon ne apne mutabiq saza suna di hai

hamein saza ke mutabiq bayan dena hai

ab ke milī shikast mirī or se mujhe

jitvā diyā gayā kisī kamzor se mujhe

ab ke mili shikast meri or se mujhe

jitwa diya gaya kisi kamzor se mujhe

maiñ ne qubūl kar liyā chup chaap vo gulāb

jo shāḳh de rahī thī tirī or se mujhe

main ne qubul kar liya chup chap wo gulab

jo shaKH de rahi thi teri or se mujhe

ḳhatā.eñ is liye kartā huuñ maiñ ki jāntā huuñ

sazā mujhe hī milegī ḳhatā karūñ na karūñ

KHataen is liye karta hun main ki jaanta hun

saza mujhe hi milegi KHata karun na karun

vo shānt baiThā hai kab se maiñ shor kyoñ na karūñ

bas ek baar vo kah de ki chup to chuuñ na karūñ

wo shant baiTha hai kab se main shor kyon na karun

bas ek bar wo kah de ki chup to chun na karun