badan ko chhoḌ hī jaanā hai ruuh ne 'āzar'

har ik charāġh se āḳhir dhuāñ nikaltā hai

badan ko chhoD hi jaana hai ruh ne 'azar'

har ek charagh se aaKHir dhuan nikalta hai

chāñd taare to mire bas meñ nahīñ haiñ 'āzar'

phuul laayā huuñ mirā haath kahāñ tak jāatā

chand tare to mere bas mein nahin hain 'azar'

phul laya hun mera hath kahan tak jaata

maiñ jab maidān ḳhālī kar ke aayā

mirā dushman akelā rah gayā thā

main jab maidan KHali kar ke aaya

mera dushman akela rah gaya tha

sabhī ke haath meñ patthar the 'āzar'

hamāre haath meñ ik ā.īnā thā

sabhi ke hath mein patthar the 'azar'

hamare hath mein ek aaina tha

us se milnā to use eid-mubārak kahnā

ye bhī kahnā ki mirī eid mubārak kar de

us se milna to use eid-mubarak kahna

ye bhi kahna ki meri eid mubarak kar de