kabhī merī talab kachche ghaḌe par paar utartī hai

kabhī mahfūz kashtī meñ safar karne se Dartā huuñ

kabhi meri talab kachche ghaDe par par utarti hai

kabhi mahfuz kashti mein safar karne se Darta hun

kisī pe karnā nahīñ e'tibār merī tarah

luTā ke baiThoge sabr o qarār merī tarah

kisi pe karna nahin e'tibar meri tarah

luTa ke baiThoge sabr o qarar meri tarah

'farīd' ik din sahāre zindagī ke TuuT jā.eñge

sabab ye hai ki ḳhud ko be-sahārā kar rahā huuñ maiñ

'farid' ek din sahaare zindagi ke TuT jaenge

sabab ye hai ki KHud ko be-sahaara kar raha hun main

tumheñ bhī bhūlne kī koshisheñ kiiñ

ki ḳhud par bhī qayāmat kar gayā vo

tumhein bhi bhulne ki koshishen kin

ki KHud par bhi qayamat kar gaya wo

bagūla ban ke uḌā ḳhvāhishoñ ke sahrā meñ

Thahar gayā to faqat thā ġhubār merī tarah

bagula ban ke uDa KHwahishon ke sahra mein

Thahar gaya to faqat tha ghubar meri tarah