ik ta.alluq thā jise aag lagā dī us ne

ab mujhe dekh rahā hai vo dhuāñ hote hue

ek talluq tha jise aag laga di us ne

ab mujhe dekh raha hai wo dhuan hote hue

maiñ aksar kho sā jaatā huuñ galī-kūchoñ ke jañgal meñ

magar phir bhī tire ghar kī nishānī yaad rakhtā huuñ

main aksar kho sa jata hun gali-kuchon ke jangal mein

magar phir bhi tere ghar ki nishani yaad rakhta hun

maiñ ik thakā huā insān aur kyā kartā

tarah tarah ke tasavvur ḳhudā se bāñdh liye

main ek thaka hua insan aur kya karta

tarah tarah ke tasawwur KHuda se bandh liye

muddat ke ba.ad aaj maiñ office nahīñ gayā

ḳhud apne saath baiTh ke din bhar sharāb pī

muddat ke baad aaj main office nahin gaya

KHud apne sath baiTh ke din bhar sharab pi

sab apne apne diyoñ ke asiir paa.e ga.e

maiñ chāñd ban ke ka.ī āñganoñ meñ utrā huuñ

sab apne apne diyon ke asir pae gae

main chand ban ke kai aanganon mein utra hun