jaam le kar mujh se vo kahtā hai apne muñh ko pher

rū-ba-rū yuuñ tere mai piine se sharmāte haiñ ham

jam le kar mujh se wo kahta hai apne munh ko pher

ru-ba-ru yun tere mai pine se sharmate hain hum

vo lutf uThā.egā safar kā

āp-apne meñ jo safar karegā

wo lutf uThaega safar ka

aap-apne mein jo safar karega

merī ye aarzū hai vaqt-e-marg

us kī āvāz kaan meñ aave

meri ye aarzu hai waqt-e-marg

us ki aawaz kan mein aawe

mujhe jo dostī hai us ko dushmanī mujh se

na iḳhtiyār hai us kā na merā chārā hai

mujhe jo dosti hai us ko dushmani mujh se

na iKHtiyar hai us ka na mera chaara hai

koī samjhāo unheñ bahr-e-ḳhudā ai momino

us sanam ke ishq meñ jo mujh ko samjhāte haiñ log

koi samjhao unhen bahr-e-KHuda ai momino

us sanam ke ishq mein jo mujh ko samjhate hain log