ab shikva-e-sañg-o-ḳhisht kaisā

jab terī galī meñ aa gayā huuñ

ab shikwa-e-sang-o-KHisht kaisa

jab teri gali mein aa gaya hun

merā saaqī hai baḌā dariyā-dil

phir bhī pyāsā huuñ ki sahrā huuñ maiñ

mera saqi hai baDa dariya-dil

phir bhi pyasa hun ki sahra hun main

fitrat meñ aadmī kī hai mub.ham sā ek ḳhauf

us ḳhauf kā kisī ne ḳhudā naam rakh diyā

fitrat mein aadmi ki hai mubham sa ek KHauf

us KHauf ka kisi ne KHuda nam rakh diya

ḳhudā gavāh ki donoñ haiñ dushman-e-parvāz

ġham-e-qafas ho ki rāhat ho āshiyāne kī

KHuda gawah ki donon hain dushman-e-parwaz

gham-e-qafas ho ki rahat ho aashiyane ki

kyā kījiye kashish hai kuchh aisī gunāh meñ

maiñ varna yuuñ fareb meñ aatā bahār ke

kya kijiye kashish hai kuchh aisi gunah mein

main warna yun fareb mein aata bahaar ke

farq ye hai nutq ke sāñche meñ Dhal saktā nahīñ

varna jo aañsū hai durr-e-shāh-vār-e-naġhma hai

farq ye hai nutq ke sanche mein Dhal sakta nahin

warna jo aansu hai durr-e-shah-war-e-naghma hai

tark-e-ta.alluqāt ḳhud apnā qusūr thā

ab kyā gila ki un ko hamārī ḳhabar nahīñ

tark-e-talluqat KHud apna qusur tha

ab kya gila ki un ko hamari KHabar nahin

mujhe zindagī kī duā dene vaale

hañsī aa rahī hai tirī sādgī par

mujhe zindagi ki dua dene wale

hansi aa rahi hai teri sadgi par

phir ek shola-e-pur-pech-o-tāb bhaḌkegā

ki chand tinkoñ ko tartīb de rahā huuñ maiñ

phir ek shola-e-pur-pech-o-tab bhaDkega

ki chand tinkon ko tartib de raha hun main