safar kā rañg hasīñ qurbatoñ kā hāmil ho

bahār ban ke koī ab to ham-safar aa.e

safar ka rang hasin qurbaton ka hamil ho

bahaar ban ke koi ab to ham-safar aae

saudā hai zamīroñ kā har gaam tijārat hai

chup huuñ to qayāmat hai bolūñ to baġhāvat hai

sauda hai zamiron ka har gam tijarat hai

chup hun to qayamat hai bolun to baghawat hai

kin shahīdoñ ke lahū ke ye farozāñ haiñ charāġh

raushnī sī jo hai zindāñ ke har ik rauzan meñ

kin shahidon ke lahu ke ye farozan hain charagh

raushni si jo hai zindan ke har ek rauzan mein

dil kā har zaḳhm tirī yaad kā ik phuul bane

mere pairāhan-e-jāñ se tirī ḳhushbū aa.e

dil ka har zaKHm teri yaad ka ek phul bane

mere pairahan-e-jaan se teri KHushbu aae

ek aañsū yaad kā Tapkā to dariyā ban gayā

zindagī bhar mujh meñ ek tūfān sā paltā rahā

ek aansu yaad ka Tapka to dariya ban gaya

zindagi bhar mujh mein ek tufan sa palta raha