kuchh ḳhabar hai tujhe o chain se sone vaale

raat bhar kaun tirī yaad meñ bedār rahā

kuchh KHabar hai tujhe o chain se sone wale

raat bhar kaun teri yaad mein bedar raha

us bazm meñ jo kuchh nazar aayā nazar aayā

ab kaun batā.e ki hameñ kyā nazar aayā

us bazm mein jo kuchh nazar aaya nazar aaya

ab kaun batae ki hamein kya nazar aaya

kabhī ye fikr ki vo yaad kyuuñ kareñge hameñ

kabhī ḳhayāl ki ḳhat kā javāb aa.egā

kabhi ye fikr ki wo yaad kyun karenge hamein

kabhi KHayal ki KHat ka jawab aaega

ai hijr vaqt Tal nahīñ saktā hai maut kā

lekin ye dekhnā hai ki miTTī kahāñ kī hai

ai hijr waqt Tal nahin sakta hai maut ka

lekin ye dekhna hai ki miTTi kahan ki hai

haañ haañ tumhāre husn kī koī ḳhatā nahīñ

maiñ husn-e-ittifāq se dīvāna ho gayā

han han tumhaare husn ki koi KHata nahin

main husn-e-ittifaq se diwana ho gaya

shab-e-firāq kuchh aisā ḳhayāl-e-yār rahā

ki raat bhar dil-e-ġham-dīda be-qarār rahā

shab-e-firaq kuchh aisa KHayal-e-yar raha

ki raat bhar dil-e-gham-dida be-qarar raha

kahegī hashr ke din us kī rahmat-e-be-had

ki be-gunāh se achchhā gunāh-gār rahā

kahegi hashr ke din us ki rahmat-e-be-had

ki be-gunah se achchha gunah-gar raha

mujhe vo yaad karte haiñ ye kah kar

ḳhudā baḳhshe nihāyat bā-vafā thā

mujhe wo yaad karte hain ye kah kar

KHuda baKHshe nihayat ba-wafa tha

sīrat kisī kī ḳhuub hai sūrat kisī kī ḳhuub

koī hamāre dil meñ hai koī nazar meñ hai

sirat kisi ki KHub hai surat kisi ki KHub

koi hamare dil mein hai koi nazar mein hai

kyā rashk hai ki ek kā hai ek mudda.ī

tum dil meñ ho to dard hamāre jigar meñ hai

kya rashk hai ki ek ka hai ek muddai

tum dil mein ho to dard hamare jigar mein hai

aayā bhī koī dil meñ gayā bhī koī dil se

aanā nazar aayā na ye jaanā nazar aayā

aaya bhi koi dil mein gaya bhi koi dil se

aana nazar aaya na ye jaana nazar aaya

aks se apne vo yuuñ kahte haiñ ā.īne meñ

aap achchhe haiñ magar aap se achchhā maiñ huuñ

aks se apne wo yun kahte hain aaine mein

aap achchhe hain magar aap se achchha main hun