Sher on Dil

anhonī kuchh zarūr huī dil ke saath aaj

nādān thā magar ye divānā kabhī na thā

anhoni kuchh zarur hui dil ke sath aaj

nadan tha magar ye diwana kabhi na tha

maiñ jaatā huuñ dil ko tire paas chhoḌe

mirī yaad tujh ko dilātā rahegā

main jata hun dil ko tere pas chhoDe

meri yaad tujh ko dilata rahega

jis ne mah-pāroñ ke dil pighlā diye

vo to merī shā.erī thī maiñ na thā

jis ne mah-paron ke dil pighla diye

wo to meri shaeri thi main na tha

aql kahtī hai dobāra āzmānā jahl hai

dil ye kahtā hai fareb-e-dost khāte jā.iye

aql kahti hai dobara aazmana jahl hai

dil ye kahta hai fareb-e-dost khate jaiye

dil par dastak dene kaun aa niklā hai

kis kī aahaT suntā huuñ vīrāne meñ

dil par dastak dene kaun aa nikla hai

kis ki aahaT sunta hun virane mein

maiñ ne ai dil tujhe siine se lagāyā huā hai

aur tū hai ki mirī jaan ko aayā huā hai

main ne ai dil tujhe sine se lagaya hua hai

aur tu hai ki meri jaan ko aaya hua hai

ye dil kā dard to umroñ kā rog hai pyāre

so jaa.e bhī to pahr do pahr ko jaatā hai

ye dil ka dard to umron ka rog hai pyare

so jae bhi to pahr do pahr ko jata hai

dil se uThtā hai sub.h-o-shām dhuāñ

koī rahtā hai is makāñ meñ abhī

dil se uThta hai subh-o-sham dhuan

koi rahta hai is makan mein abhi

dil jo TuuTā hai to phir yaad nahīñ hai koī

is ḳharābe meñ ab ābād nahīñ hai koī

dil jo TuTa hai to phir yaad nahin hai koi

is KHarabe mein ab aabaad nahin hai koi

dil dabā jaatā hai kitnā aaj ġham ke baar se

kaisī tanhā.ī Tapaktī hai dar o dīvār se

dil daba jata hai kitna aaj gham ke bar se

kaisi tanhai Tapakti hai dar o diwar se

pahlū meñ mere dil ko na ai dard kar talāsh

muddat huī ġharīb vatan se nikal gayā

pahlu mein mere dil ko na ai dard kar talash

muddat hui gharib watan se nikal gaya

dil se aatī hai baat lab pe 'hafīz'

baat dil meñ kahāñ se aatī hai

dil se aati hai baat lab pe 'hafiz'

baat dil mein kahan se aati hai

vo dil meñ aa ke nikalte nahīñ haiñ phir dil se

vahīñ ke ho rahe dam-bhar jahāñ qayām kiyā

wo dil mein aa ke nikalte nahin hain phir dil se

wahin ke ho rahe dam-bhar jahan qayam kiya

dil mirā dard ke sivā kyā hai

ibtidā ye to intihā kyā hai

dil mera dard ke siwa kya hai

ibtida ye to intiha kya hai

kuchh to havā bhī sard thī kuchh thā tirā ḳhayāl bhī

dil ko ḳhushī ke saath saath hotā rahā malāl bhī

kuchh to hawa bhi sard thi kuchh tha tera KHayal bhi

dil ko KHushi ke sath sath hota raha malal bhi

kapḌe safed dho ke jo pahne to kyā huā

dhonā vahī jo dil kī siyāhī ko dhoiye

kapDe safed dho ke jo pahne to kya hua

dhona wahi jo dil ki siyahi ko dhoiye

charchā hamārā ishq ne kyuuñ jā-ba-jā kiyā

dil us ko de diyā to bhalā kyā burā kiyā

charcha hamara ishq ne kyun ja-ba-ja kiya

dil us ko de diya to bhala kya bura kiya

in hasratoñ se kah do kahīñ aur jā baseñ

itnī jagah kahāñ hai dil-e-dāġh-dār meñ

in hasraton se kah do kahin aur ja basen

itni jagah kahan hai dil-e-dagh-dar mein

kī hai sargoshī sar-e-shām mire dil ne phir

is liye ham ne lapeTā nahīñ bistar apnā

ki hai sargoshi sar-e-sham mere dil ne phir

is liye hum ne lapeTa nahin bistar apna

dil huā jaan huī un kī bhalā kyā qīmat

aisī chīzoñ ke kahīñ daam diye jaate haiñ

dil hua jaan hui un ki bhala kya qimat

aisi chizon ke kahin dam diye jate hain

chamak rahā hai ḳhema-e-raushan duur sitāre sā

dil kī kashtī tair rahī hai khule samundar meñ

chamak raha hai KHema-e-raushan dur sitare sa

dil ki kashti tair rahi hai khule samundar mein

''aap kī yaad aatī rahī raat bhar''

chāñdnī dil dukhātī rahī raat bhar

aap ki yaad aati rahi raat bhar

chandni dil dukhati rahi raat bhar

mujh ko ye fikr ki dil muft gayā hāthoñ se

un ko ye naaz ki ham ne use chhīnā kaisā

mujh ko ye fikr ki dil muft gaya hathon se

un ko ye naz ki hum ne use chhina kaisa

aap pahlū meñ jo baiTheñ to sambhal kar baiTheñ

dil-e-betāb ko aadat hai machal jaane kī

aap pahlu mein jo baiThen to sambhal kar baiThen

dil-e-betab ko aadat hai machal jaane ki

dil mirā shākī-e-jafā na huā

ye vafādār bevafā na huā

dil mera shaki-e-jafa na hua

ye wafadar bewafa na hua

samjhā liyā fareb se mujh ko to aap ne

dil se to pūchh lījiye kyuuñ be-qarār hai

samjha liya fareb se mujh ko to aap ne

dil se to puchh lijiye kyun be-qarar hai

jāntā hai ki vo na ā.eñge

phir bhī masrūf-e-intizār hai dil

jaanta hai ki wo na aaenge

phir bhi masruf-e-intizar hai dil

dil kī taraf 'shakīl' tavajjoh zarūr ho

ye ghar ujaḌ gayā to basāyā na jā.egā

dil ki taraf 'shakil' tawajjoh zarur ho

ye ghar ujaD gaya to basaya na jaega

maiñ Thahartā gayā rafta rafta

aur ye dil apnī ravānī meñ rahā

main Thaharta gaya rafta rafta

aur ye dil apni rawani mein raha

iz.hār-e-hāl kā bhī zarīya nahīñ rahā

dil itnā jal gayā hai ki āñkhoñ meñ nam nahīñ

izhaar-e-haal ka bhi zariya nahin raha

dil itna jal gaya hai ki aankhon mein nam nahin

kisī ḳhayāl kisī ḳhvāb ke liye 'ḳhurshīd'

diyā darīche meñ rakkhā thā dil jalāyā thā

kisi KHayal kisi KHwab ke liye 'KHurshid'

diya dariche mein rakkha tha dil jalaya tha

ai junūñ phir mire sar par vahī shāmat aa.ī

phir phañsā zulfoñ meñ dil phir vahī aafat aa.ī

ai junun phir mere sar par wahi shamat aai

phir phansa zulfon mein dil phir wahi aafat aai

jo dil rakhte haiñ siine meñ vo kāfir ho nahīñ sakte

mohabbat diin hotī hai vafā īmān hotī hai

jo dil rakhte hain sine mein wo kafir ho nahin sakte

mohabbat din hoti hai wafa iman hoti hai

dil meñ aao maze hoñ jiine ke

khol duuñ maiñ kivāḌ siine ke

dil mein aao maze hon jine ke

khol dun main kiwaD sine ke

badaltī jā rahī hai dil kī duniyā

na.e dastūr hote jā rahe haiñ

badalti ja rahi hai dil ki duniya

nae dastur hote ja rahe hain

aur kyā dekhne ko baaqī hai

aap se dil lagā ke dekh liyā

aur kya dekhne ko baqi hai

aap se dil laga ke dekh liya

dil kī qīmat to mohabbat ke sivā kuchh bhī na thī

jo mile sūrat-e-zebā ke ḳharīdār mile

dil ki qimat to mohabbat ke siwa kuchh bhi na thi

jo mile surat-e-zeba ke KHaridar mile

dil kī lahroñ kā tūl-o-arz na pūchh

kabhū dariyā kabhū safīnā hai

dil ki lahron ka tul-o-arz na puchh

kabhu dariya kabhu safina hai

adā se dekh lo jaatā rahe gila dil kā

bas ik nigāh pe Thahrā hai faisla dil kā

ada se dekh lo jata rahe gila dil ka

bas ek nigah pe Thahra hai faisla dil ka

bīmār-e-ġham kī chāragarī kuchh zarūr hai

vo dard dil meñ de ki masīhā kaheñ jise

bimar-e-gham ki chaaragari kuchh zarur hai

wo dard dil mein de ki masiha kahen jise

aap daulat ke tarāzū meñ diloñ ko tauleñ

ham mohabbat se mohabbat kā sila dete haiñ

aap daulat ke taraazu mein dilon ko taulen

hum mohabbat se mohabbat ka sila dete hain

terā qusūr-vār ḳhudā kā gunāhgār

jo kuchh ki thā yahī dil-e-ḳhāna-ḳharāb thā

tera qusur-war KHuda ka gunahgar

jo kuchh ki tha yahi dil-e-KHana-KHarab tha

ek dil hai ki nahīñ dard se dam bhar ḳhālī

varna kyā kyā nazar aa.e na bhare ghar ḳhālī

ek dil hai ki nahin dard se dam bhar KHali

warna kya kya nazar aae na bhare ghar KHali

itnā maiñ intizār kiyā us kī raah meñ

jo rafta rafta dil mirā bīmār ho gayā

itna main intizar kiya us ki rah mein

jo rafta rafta dil mera bimar ho gaya

kī tark-e-mohabbat to liyā dard-e-jigar mol

parhez se dil aur bhī bīmār paḌā hai

ki tark-e-mohabbat to liya dard-e-jigar mol

parhez se dil aur bhi bimar paDa hai

tere aane se yū ḳhushī hai dil

juuñ ki bulbul bahār kī ḳhātir

tere aane se yu KHushi hai dil

jun ki bulbul bahaar ki KHatir

dasht-e-vafā meñ jal ke na rah jaa.eñ apne dil

vo dhuup hai ki rañg haiñ kaale paḌe hue

dasht-e-wafa mein jal ke na rah jaen apne dil

wo dhup hai ki rang hain kale paDe hue

dil gayā raunaq-e-hayāt ga.ī

ġham gayā saarī kā.enāt ga.ī

dil gaya raunaq-e-hayat gai

gham gaya sari kaenat gai

haath duniyā kā bhī hai dil kī ḳharābī meñ bahut

phir bhī ai dost tirī ek nazar se kam hai

hath duniya ka bhi hai dil ki KHarabi mein bahut

phir bhi ai dost teri ek nazar se kam hai

tum kahāñ vasl kahāñ vasl kī ummīd kahāñ

dil ke bahkāne ko ik baat banā rakhī hai

tum kahan wasl kahan wasl ki ummid kahan

dil ke bahkane ko ek baat bana rakhi hai