Sher on Shaam
The word ‘dusk’ has
diverse metaphorical expressions in Urdu poetry. Urdu poets have explored these diversities to their utmost limits. It does not merely signify the end of a day, but has been used extensively to elaborate various emotions and phenomena of life. Read these couplets to find the deeper meanings of dusk.
tumhāre shahr kā mausam baḌā suhānā lage
maiñ ek shaam churā luuñ agar burā na lage
tumhaare shahr ka mausam baDa suhana lage
main ek sham chura lun agar bura na lage
-
Tags : Ishqand 4 more
shaam bhī thī dhuāñ dhuāñ husn bhī thā udaas udaas
dil ko ka.ī kahāniyāñ yaad sī aa ke rah ga.iiñ
sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain
-
Tags : Diland 4 more
vo na aa.egā hameñ ma.alūm thā is shaam bhī
intizār us kā magar kuchh soch kar karte rahe
wo na aaega hamein malum tha is sham bhi
intizar us ka magar kuchh soch kar karte rahe
-
Tag : Intezar
shaam tak sub.h kī nazroñ se utar jaate haiñ
itne samjhautoñ pe jiite haiñ ki mar jaate haiñ
sham tak subh ki nazron se utar jate hain
itne samjhauton pe jite hain ki mar jate hain
-
Tag : Parliament
yuuñ to har shaam umīdoñ meñ guzar jaatī hai
aaj kuchh baat hai jo shaam pe ronā aayā
Every evening was, by hope, sustained
This evening's desperation makes me weep
yun to har sham umidon mein guzar jati hai
aaj kuchh baat hai jo sham pe rona aaya
Every evening was, by hope, sustained
This evening's desperation makes me weep
-
Tags : Famous shayariand 4 more
ab udaas phirte ho sardiyoñ kī shāmoñ meñ
is tarah to hotā hai is tarah ke kāmoñ meñ
ab udas phirte ho sardiyon ki shamon mein
is tarah to hota hai is tarah ke kaamon mein
-
Tags : Sardiand 1 more
vo kaun thā jo din ke ujāle meñ kho gayā
ye chāñd kis ko DhūñDne niklā hai shaam se
wo kaun tha jo din ke ujale mein kho gaya
ye chand kis ko DhunDne nikla hai sham se
-
Tags : Aadmiand 1 more
tum parindoñ se ziyāda to nahīñ ho āzād
shaam hone ko hai ab ghar kī taraf lauT chalo
tum parindon se ziyaada to nahin ho aazad
sham hone ko hai ab ghar ki taraf lauT chalo
bas ek shaam kā har shaam intizār rahā
magar vo shaam kisī shaam bhī nahīñ aa.ī
bas ek sham ka har sham intizar raha
magar wo sham kisi sham bhi nahin aai
kabhī to āsmāñ se chāñd utre jaam ho jaa.e
tumhāre naam kī ik ḳhūb-sūrat shaam ho jaa.e
kabhi to aasman se chand utre jam ho jae
tumhaare nam ki ek KHub-surat sham ho jae
-
Tags : Aasmanand 1 more
na udaas ho na malāl kar kisī baat kā na ḳhayāl kar
ka.ī saal ba.ad mile haiñ ham tere naam aaj kī shaam hai
na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai
-
Tags : Dostand 1 more
ab kaun muntazir hai hamāre liye vahāñ
shaam aa ga.ī hai lauT ke ghar jaa.eñ ham to kyā
ab kaun muntazir hai hamare liye wahan
sham aa gai hai lauT ke ghar jaen hum to kya
-
Tags : Gharand 1 more
dostoñ se mulāqāt kī shaam hai
ye sazā kaaT kar apne ghar jā.ūñgā
doston se mulaqat ki sham hai
ye saza kaT kar apne ghar jaunga
-
Tags : Dostand 2 more
yaad hai ab tak tujh se bichhaḌne kī vo añdherī shaam mujhe
tū ḳhāmosh khaḌā thā lekin bāteñ kartā thā kājal
yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal
-
Tags : Farewelland 1 more
shaam hote hī khulī saḌkoñ kī yaad aatī hai
sochtā roz huuñ maiñ ghar se nahīñ niklūñgā
sham hote hi khuli saDkon ki yaad aati hai
sochta roz hun main ghar se nahin niklunga
na.ī sub.h par nazar hai magar aah ye bhī Dar hai
ye sahar bhī rafta rafta kahīñ shaam tak na pahuñche
nai subh par nazar hai magar aah ye bhi Dar hai
ye sahar bhi rafta rafta kahin sham tak na pahunche
-
Tag : Subah
ab to chup-chāp shaam aatī hai
pahle chiḌiyoñ ke shor hote the
ab to chup-chap sham aati hai
pahle chiDiyon ke shor hote the
-
Tag : Parinda
kabhī to shaam Dhale apne ghar ga.e hote
kisī kī aañkh meñ rah kar sañvar ga.e hote
kabhi to sham Dhale apne ghar gae hote
kisi ki aankh mein rah kar sanwar gae hote
-
Tag : Ghar
shaam se pahle tirī shaam na hone dūñgā
zindagī maiñ tujhe nākām na hone dūñgā
sham se pahle teri sham na hone dunga
zindagi main tujhe nakaam na hone dunga
maiñ tamām din kā thakā huā tū tamām shab kā jagā huā
zarā Thahar jā isī moḌ par tere saath shaam guzār luuñ
main tamam din ka thaka hua tu tamam shab ka jaga hua
zara Thahar ja isi moD par tere sath sham guzar lun
ghar kī vahshat se laraztā huuñ magar jaane kyuuñ
shaam hotī hai to ghar jaane ko jī chāhtā hai
ghar ki wahshat se larazta hun magar jaane kyun
sham hoti hai to ghar jaane ko ji chahta hai
-
Tags : Gharand 1 more
Dhalegī shaam jahāñ kuchh nazar na aa.egā
phir is ke ba.ad bahut yaad ghar kī aa.egī
Dhalegi sham jahan kuchh nazar na aaega
phir is ke baad bahut yaad ghar ki aaegi
-
Tags : Gharand 1 more
kaun sī baat na.ī ai dil-e-nākām huī
shaam se sub.h huī sub.h se phir shaam huī
o luckless heart what was new today you tell me pray
day first turned into night, then night turned into day
kaun si baat nai ai dil-e-nakaam hui
sham se subh hui subh se phir sham hui
o luckless heart what was new today you tell me pray
day first turned into night, then night turned into day
-
Tag : Subah
shaam se un ke tasavvur kā nasha thā itnā
niiñd aa.ī hai to āñkhoñ ne burā maanā hai
sham se un ke tasawwur ka nasha tha itna
nind aai hai to aankhon ne bura mana hai
ham bahut duur nikal aa.e haiñ chalte chalte
ab Thahar jaa.eñ kahīñ shaam ke Dhalte Dhalte
hum bahut dur nikal aae hain chalte chalte
ab Thahar jaen kahin sham ke Dhalte Dhalte
-
Tags : Ishqand 2 more
shāmeñ kisī ko māñgtī haiñ aaj bhī 'firāq'
go zindagī meñ yuuñ mujhe koī kamī nahīñ
shamen kisi ko mangti hain aaj bhi 'firaq'
go zindagi mein yun mujhe koi kami nahin
shajar ne pūchhā ki tujh meñ ye kis kī ḳhushbū hai
havā-e-shām-e-alam ne kahā udāsī kī
shajar ne puchha ki tujh mein ye kis ki KHushbu hai
hawa-e-sham-e-alam ne kaha udasi ki
-
Tags : Alamand 1 more
ham duniyā se jab tañg aayā karte haiñ
apne saath ik shaam manāyā karte haiñ
hum duniya se jab tang aaya karte hain
apne sath ek sham manaya karte hain
-
Tag : Duniya
asr ke vaqt mere paas na baiTh
mujh pe ik sāñvlī kā saaya hai
asr ke waqt mere pas na baiTh
mujh pe ek sanwli ka saya hai
shaam ko aaoge tum achchhā abhī hotī hai shaam
gesuoñ ko khol do sūraj chhupāne ke liye
sham ko aaoge tum achchha abhi hoti hai sham
gesuon ko khol do suraj chhupane ke liye
us kī āñkhoñ meñ utar jaane ko jī chāhtā hai
shaam hotī hai to ghar jaane ko jī chāhtā hai
us ki aankhon mein utar jaane ko ji chahta hai
sham hoti hai to ghar jaane ko ji chahta hai
-
Tag : Ghar
hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai
hoti hai sham aankh se aansu rawan hue
ye waqt qaidiyon ki rihai ka waqt hai
shaam Dhale ye soch ke baiThe ham apnī tasvīr ke paas
saarī ġhazleñ baiThī hoñgī apne apne miir ke paas
sham Dhale ye soch ke baiThe hum apni taswir ke pas
sari ghazlen baiThi hongi apne apne mir ke pas
hote hī shaam jalne lagā yaad kā alaao
aañsū sunāne dukh kī kahānī nikal paḌe
hote hi sham jalne laga yaad ka alao
aansu sunane dukh ki kahani nikal paDe
-
Tags : Aansooand 1 more
din kisī tarah se kaT jā.egā saḌkoñ pe 'shafaq'
shaam phir aa.egī ham shaam se ghabrā.eñge
din kisi tarah se kaT jaega saDkon pe 'shafaq'
sham phir aaegi hum sham se ghabraenge
-
Tags : Mayoosiand 1 more
guzar ga.ī hai magar roz yaad aatī hai
vo ek shaam jise bhūlne kī hasrat hai
guzar gai hai magar roz yaad aati hai
wo ek sham jise bhulne ki hasrat hai
ham bhī ik shaam bahut uljhe hue the ḳhud meñ
ek shaam us ko bhī hālāt ne mohlat nahīñ dī
hum bhi ek sham bahut uljhe hue the KHud mein
ek sham us ko bhi haalat ne mohlat nahin di
jab shaam utartī hai kyā dil pe guzartī hai
sāhil ne bahut pūchhā ḳhāmosh rahā paanī
jab sham utarti hai kya dil pe guzarti hai
sahil ne bahut puchha KHamosh raha pani
sāqiyā ek nazar jaam se pahle pahle
ham ko jaanā hai kahīñ shaam se pahle pahle
saqiya ek nazar jam se pahle pahle
hum ko jaana hai kahin sham se pahle pahle
kab dhuup chalī shaam Dhalī kis ko ḳhabar hai
ik umr se maiñ apne hī saa.e meñ khaḌā huuñ
kab dhup chali sham Dhali kis ko KHabar hai
ek umr se main apne hi sae mein khaDa hun
-
Tags : Dhoopand 1 more
bhīgī huī ik shaam kī dahlīz pe baiThe
ham dil ke sulagne kā sabab soch rahe haiñ
bhigi hui ek sham ki dahliz pe baiThe
hum dil ke sulagne ka sabab soch rahe hain
shaam hī se baras rahī hai raat
rañg apne sambhāl kar rakhnā
sham hi se baras rahi hai raat
rang apne sambhaal kar rakhna
shaam paḌte hī kisī shaḳhs kī yaad
kūcha-e-jāñ meñ sadā kartī hai
sham paDte hi kisi shaKHs ki yaad
kucha-e-jaan mein sada karti hai
-
Tag : Yaad
baiThā huā huuñ lag ke darīche se mahv-e-yās
ye shaam aaj mere barābar udaas hai
baiTha hua hun lag ke dariche se mahw-e-yas
ye sham aaj mere barabar udas hai
ab yaad kabhī aa.e to ā.īne se pūchho
'mahbūb-ḳhizāñ' shaam ko ghar kyuuñ nahīñ jaate
ab yaad kabhi aae to aaine se puchho
'mahbub-KHizan' sham ko ghar kyun nahin jate
-
Tag : Ghar
āḳhirī baar maiñ kab us se milā yaad nahīñ
bas yahī yaad hai ik shaam bahut bhārī thī
aaKHiri bar main kab us se mila yaad nahin
bas yahi yaad hai ek sham bahut bhaari thi
saa.e Dhalne charāg jalne lage
log apne gharoñ ko chalne lage
sae Dhalne charag jalne lage
log apne gharon ko chalne lage
shaam hotī hai to lagtā hai koī ruuTh gayā
aur shab us ko manāne meñ guzar jaatī hai
sham hoti hai to lagta hai koi ruTh gaya
aur shab us ko manane mein guzar jati hai
dalīl-e-tābish-e-īmāñ hai kufr kā ehsās
charāġh shaam se pahle jalā nahīñ karte
dalil-e-tabish-e-iman hai kufr ka ehsas
charagh sham se pahle jala nahin karte
-
Tag : Raushni
shaam hone ko hai jalne ko hai sham-e-mahfil
saañs lene kī bhī fursat nahīñ parvāne ko
sham hone ko hai jalne ko hai sham-e-mahfil
sans lene ki bhi fursat nahin parwane ko