Sher on Wahshat

jāgtā huuñ maiñ ek akelā duniyā sotī hai

kitnī vahshat hijr kī lambī raat meñ hotī hai

jagta hun main ek akela duniya soti hai

kitni wahshat hijr ki lambi raat mein hoti hai

ham tire saa.e meñ kuchh der Thaharte kaise

ham ko jab dhuup se vahshat nahīñ karnī aa.ī

hum tere sae mein kuchh der Thaharte kaise

hum ko jab dhup se wahshat nahin karni aai

aaise Dare hue haiñ zamāne kī chaal se

ghar meñ bhī paañv rakhte haiñ ham to sambhāl kar

aaise Dare hue hain zamane ki chaal se

ghar mein bhi panw rakhte hain hum to sambhaal kar

dayār-e-nūr meñ tīra-shaboñ kā sāthī ho

koī to ho jo mirī vahshatoñ kā sāthī ho

dayar-e-nur mein tira-shabon ka sathi ho

koi to ho jo meri wahshaton ka sathi ho

mere māthe pe ubhar aate the vahshat ke nuqūsh

merī miTTī kisī sahrā se uThā.ī ga.ī thī

mere mathe pe ubhar aate the wahshat ke nuqush

meri miTTi kisi sahra se uThai gai thi

na ham vahshat meñ apne ghar se nikle

na sahrā apnī vīrānī se niklā

na hum wahshat mein apne ghar se nikle

na sahra apni virani se nikla

in dinoñ apnī bhī vahshat kā ajab aalam hai

ghar meñ ham dasht-o-bayābān uThā laa.e haiñ

in dinon apni bhi wahshat ka ajab aalam hai

ghar mein hum dasht-o-bayaban uTha lae hain

vahshat-e-dil ne kiyā hai vo bayābāñ paidā

saikḌoñ kos nahīñ sūrat-e-insāñ paidā

wahshat-e-dil ne kiya hai wo bayaban paida

saikDon kos nahin surat-e-insan paida

mujhe bachā le mire yaar soz-e-imshab se

ki ik sitāra-e-vahshat jabīñ se guzregā

mujhe bacha le mere yar soz-e-imshab se

ki ek sitara-e-wahshat jabin se guzrega

jaane ye tū hai tirā ġham hai ki dil kī vahshat

jānib-e-koh-e-nidā koī bulātā hai mujhe

jaane ye tu hai tera gham hai ki dil ki wahshat

jaanib-e-koh-e-nida koi bulata hai mujhe

bastī bastī parbat parbat vahshat kī hai dhuup 'ziyā'

chāroñ jānib vīrānī hai dil kā ik vīrāna kyā

basti basti parbat parbat wahshat ki hai dhup 'ziya'

chaaron jaanib virani hai dil ka ek virana kya

ishq mujh ko nahīñ vahshat hī sahī

merī vahshat tirī shohrat hī sahī

ishq mujh ko nahin wahshat hi sahi

meri wahshat teri shohrat hi sahi

vahshateñ ishq aur majbūrī

kyā kisī ḳhaas imtihān meñ huuñ

wahshaten ishq aur majburi

kya kisi KHas imtihan mein hun

majnūñ se ye kahnā ki mire shahar meñ aa jaa.e

vahshat ke liye ek bayābān abhī hai

majnun se ye kahna ki mere shahar mein aa jae

wahshat ke liye ek bayaban abhi hai

kuchh be-Thikāna kartī rahīñ hijrateñ mudām

kuchh merī vahshatoñ ne mujhe dar-ba-dar kiyā

kuchh be-Thikana karti rahin hijraten mudam

kuchh meri wahshaton ne mujhe dar-ba-dar kiya

ghar kī vahshat se laraztā huuñ magar jaane kyuuñ

shaam hotī hai to ghar jaane ko jī chāhtā hai

ghar ki wahshat se larazta hun magar jaane kyun

sham hoti hai to ghar jaane ko ji chahta hai

jism thaktā nahīñ chalne se ki vahshat kā safar

ḳhvāb meñ naql-e-makānī kī tarah hotā hai

jism thakta nahin chalne se ki wahshat ka safar

KHwab mein naql-e-makani ki tarah hota hai

hotī hai tere naam se vahshat kabhī kabhī

barham huī hai yuuñ bhī tabī.at kabhī kabhī

hoti hai tere nam se wahshat kabhi kabhi

barham hui hai yun bhi tabiat kabhi kabhi

log kahte haiñ ki tum se hī mohabbat hai mujhe

tum jo kahte ho ki vahshat hai to vahshat hogī

log kahte hain ki tum se hi mohabbat hai mujhe

tum jo kahte ho ki wahshat hai to wahshat hogi

vahshat kā ye aalam ki pas-e-chāk garebāñ

ranjish hai bahāroñ se ulajhte haiñ ḳhizāñ se

wahshat ka ye aalam ki pas-e-chaak gareban

ranjish hai bahaaron se ulajhte hain KHizan se

'shād' itnī baḌh ga.ī haiñ mere dil kī vahshateñ

ab junūñ meñ dasht aur ghar ek jaise ho ga.e

'shad' itni baDh gai hain mere dil ki wahshaten

ab junun mein dasht aur ghar ek jaise ho gae

ho sake kyā apnī vahshat kā ilaaj

mere kūche meñ bhī sahrā chāhiye

ho sake kya apni wahshat ka ilaj

mere kuche mein bhi sahra chahiye

vahshateñ kuchh is tarah apnā muqaddar ban ga.iiñ

ham jahāñ pahuñche hamāre saath vīrāne ga.e

wahshaten kuchh is tarah apna muqaddar ban gain

hum jahan pahunche hamare sath virane gae

apne hamrāh jo aate ho idhar se pahle

dasht paḌtā hai miyāñ ishq meñ ghar se pahle

apne hamrah jo aate ho idhar se pahle

dasht paDta hai miyan ishq mein ghar se pahle

añdhere kamre meñ raqs kartī rahegī vahshat

aur ek kone meñ pārsā.ī paḌī rahegī

andhere kamre mein raqs karti rahegi wahshat

aur ek kone mein parsai paDi rahegi

phir vahī lambī do-pahreñ-surma.ī haiñ phir vahī dil kī hālat hai

bāhar kitnā sannāTā hai andar kitnī vahshat hai

phir wahi lambi do-pahren-surmai hain phir wahi dil ki haalat hai

bahar kitna sannaTa hai andar kitni wahshat hai

fasl-e-gul aate hī vahshat ho ga.ī

phir vahī apnī tabī.at ho ga.ī

fasl-e-gul aate hi wahshat ho gai

phir wahi apni tabiat ho gai

saudā-e-ishq aur hai vahshat kuchh aur shai

majnūñ kā koī dost fasāna-nigār thā

sauda-e-ishq aur hai wahshat kuchh aur shai

majnun ka koi dost fasana-nigar tha

vo kaam rah ke karnā paḌā shahr meñ hameñ

majnūñ ko jis ke vāste vīrāna chāhiye

wo kaam rah ke karna paDa shahr mein hamein

majnun ko jis ke waste virana chahiye

vaa.e qismat sabab is kā bhī ye vahshat Thahrī

dar-o-dīvār meñ rah kar bhī maiñ be-ghar niklā

wae qismat sabab is ka bhi ye wahshat Thahri

dar-o-diwar mein rah kar bhi main be-ghar nikla

ishq par faa.ez huuñ auroñ kī tarah lekin mujhe

vasl kā lapkā nahīñ hai hijr se vahshat nahīñ

ishq par faez hun auron ki tarah lekin mujhe

wasl ka lapka nahin hai hijr se wahshat nahin

ik din dukh kī shiddat kam paḌ jaatī hai

kaisī bhī ho vahshat kam paḌ jaatī hai

ek din dukh ki shiddat kam paD jati hai

kaisi bhi ho wahshat kam paD jati hai

vo jo ik shart thī vahshat kī uThā dī ga.ī kyā

merī bastī kisī sahrā meñ basā dī ga.ī kyā

wo jo ek shart thi wahshat ki uTha di gai kya

meri basti kisi sahra mein basa di gai kya

vo jis ke naam kī nisbat se raushnī thā vajūd

khaTak rahā hai vahī āftāb āñkhoñ meñ

wo jis ke nam ki nisbat se raushni tha wajud

khaTak raha hai wahi aaftab aankhon mein

bachpan meñ ham hī the yā thā aur koī

vahshat sī hone lagtī hai yādoñ se

bachpan mein hum hi the ya tha aur koi

wahshat si hone lagti hai yaadon se

ye khachā-khach bharī huī vahshat

be-basoñ ko basoñ se ḳhauf aaya

ye khacha-khach bhari hui wahshat

be-bason ko bason se KHauf aaya