Sher on Deewangi

ḳhudārā ik nigāh-e-nāz hī se dekh lo ham ko

garebāñ phāḌne ko aaj ham tayyār baiThe haiñ

KHudara ek nigah-e-naz hi se dekh lo hum ko

gareban phaDne ko aaj hum tayyar baiThe hain

chup chup makān rāste gum-sum niDhāl vaqt

is shahr ke liye koī dīvānā chāhiye

chup chup makan raste gum-sum niDhaal waqt

is shahr ke liye koi diwana chahiye

nāseh kī nasīhat se hai zid aur bhī dil ko

suntā nahīñ hoshyār kī dīvāna hamārā

naseh ki nasihat se hai zid aur bhi dil ko

sunta nahin hoshyar ki diwana hamara

ghūrne se kyā tumhārī āñkhoñ ke ham Dar ga.e

ve agar haiñ mast ai pyāre to dīvāne haiñ ham

ghurne se kya tumhaari aankhon ke hum Dar gae

we agar hain mast ai pyare to diwane hain hum

guzar ga.e haiñ vo lamhe bhī ishq meñ ai dost

tire baġhair bhī jab ḳhush rahe haiñ dīvāne

guzar gae hain wo lamhe bhi ishq mein ai dost

tere baghair bhi jab KHush rahe hain diwane

tere shaidā bhī hue ishq-e-tamāshā bhī hue

tere dīvāne tire shahr meñ rusvā bhī hue

tere shaida bhi hue ishq-e-tamasha bhi hue

tere diwane tere shahr mein ruswa bhi hue