chāra-garān-e-zaḳhm ko phir bhī mirā salām

hālāñki indimāl kisī ne nahīñ kiyā

chaara-garan-e-zaKHm ko phir bhi mera salam

haalanki indimal kisi ne nahin kiya

ik dhamā-chaukḌī hai siine meñ

ye kahīñ be-lagām dil to nahīñ

ek dhama-chaukDi hai sine mein

ye kahin be-lagam dil to nahin

qarīb thā ki mire haq meñ boltā insāf

muqaddame kī samā'at ne ghuTne Tek diye

qarib tha ki mere haq mein bolta insaf

muqaddame ki sama'at ne ghuTne Tek diye

sab log muntazir haiñ ki darvāza kuchh kahe

dīvār se savāl kisī ne nahīñ kiyā

sab log muntazir hain ki darwaza kuchh kahe

diwar se sawal kisi ne nahin kiya

sūkhne vaale phir hare na hue

raah kī ghaas phir na phūlī-phalī

sukhne wale phir hare na hue

rah ki ghas phir na phuli-phali