Sher on Daagh

us ke ba.ad aglī qayāmat kyā hai kis ko hosh hai

zaḳhm sahlātā thā aur ab daaġh dikhlātā huuñ maiñ

us ke baad agli qayamat kya hai kis ko hosh hai

zaKHm sahlata tha aur ab dagh dikhlata hun main

sab ko dil ke daaġh dikhā.e ek tujhī ko dikhā na sake

terā dāman duur nahīñ thā haath hamīñ phailā na sake

sab ko dil ke dagh dikhae ek tujhi ko dikha na sake

tera daman dur nahin tha hath hamin phaila na sake

ye to sach hai ki ham tujhe pā na sake tirī yaad bhī jī se bhulā na sake

tirā daaġh hai dil meñ charāġh-sifat tire naam kī zeb-e-gulū-kafnī

ye to sach hai ki hum tujhe pa na sake teri yaad bhi ji se bhula na sake

tera dagh hai dil mein charagh-sifat tere nam ki zeb-e-gulu-kafni

vo jo terā daaġh ġhulāmī māthe par liye phirtā hai

us kā naam to 'inshā' Thahrā nāhaq ko badnām hai chāñd

wo jo tera dagh ghulami mathe par liye phirta hai

us ka nam to 'insha' Thahra nahaq ko badnam hai chand

vo judā mujh se ho gayā lekin

daaġh dil se judā nahīñ hotā

wo juda mujh se ho gaya lekin

dagh dil se juda nahin hota

le kar ruḳh par itne kalañk

lagtā huuñ ḳhush-rū bhī maiñ

le kar ruKH par itne kalank

lagta hun KHush-ru bhi main

jhaaḌ aayā huuñ apne dāman ko

daaġh bāzār meñ paḌe hue haiñ

jhaD aaya hun apne daman ko

dagh bazar mein paDe hue hain