Sher on Yaad

maiñ jaatā huuñ dil ko tire paas chhoḌe

mirī yaad tujh ko dilātā rahegā

main jata hun dil ko tere pas chhoDe

meri yaad tujh ko dilata rahega

yaad meñ terī jahāñ ko bhūltā jaatā huuñ maiñ

bhūlne vaale kabhī tujh ko bhī yaad aatā huuñ maiñ

yaad mein teri jahan ko bhulta jata hun main

bhulne wale kabhi tujh ko bhi yaad aata hun main

jī na sakūñ maiñ jis ke baġhair

akasr yaad na aayā vo

ji na sakun main jis ke baghair

akasr yaad na aaya wo

dil jo TuuTā hai to phir yaad nahīñ hai koī

is ḳharābe meñ ab ābād nahīñ hai koī

dil jo TuTa hai to phir yaad nahin hai koi

is KHarabe mein ab aabaad nahin hai koi

yaad na aane kā va.ada kar ke

vo to pahle se sivā yaad aayā

yaad na aane ka wada kar ke

wo to pahle se siwa yaad aaya

baat niklegī to phir duur talak jā.egī

log be-vaj.h udāsī kā sabab pūchheñge

baat niklegi to phir dur talak jaegi

log be-wajh udasi ka sabab puchhenge

zindagī ho to ka.ī kaam nikal aate haiñ

yaad ā.ūñgā kabhī maiñ bhī zarūrat meñ use

zindagi ho to kai kaam nikal aate hain

yaad aaunga kabhi main bhi zarurat mein use

yaad aa.ī hai to phir TuuT ke yaad aa.ī hai

koī guzrī huī manzil koī bhūlī huī dost

yaad aai hai to phir TuT ke yaad aai hai

koi guzri hui manzil koi bhuli hui dost

mirī nazar meñ vahī mohnī sī mūrat hai

ye raat hijr kī hai phir bhī ḳhūb-sūrat hai

meri nazar mein wahi mohni si murat hai

ye raat hijr ki hai phir bhi KHub-surat hai

go farāmoshī kī takmīl huā chāhtī hai

phir bhī kah do ki hameñ yaad vo aayā na kare

go faramoshi ki takmil hua chahti hai

phir bhi kah do ki hamein yaad wo aaya na kare

''aap kī yaad aatī rahī raat bhar''

chāñdnī dil dukhātī rahī raat bhar

aap ki yaad aati rahi raat bhar

chandni dil dukhati rahi raat bhar

kahānī apnī apnī ahl-e-mahfil jab sunāte haiñ

mujhe bhī yaad ik bhūlā huā afsāna aatā hai

kahani apni apni ahl-e-mahfil jab sunate hain

mujhe bhi yaad ek bhula hua afsana aata hai

ab bhī aatī hai tirī yaad pa is karb ke saath

TūTtī niiñd meñ jaise koī sapnā dekhā

ab bhi aati hai teri yaad pa is karb ke sath

TuTti nind mein jaise koi sapna dekha

tujh ko bhī kyuuñ yaad rakhā

soch ke ab pachhtāte haiñ

tujh ko bhi kyun yaad rakha

soch ke ab pachhtate hain

aaj phir niiñd ko āñkhoñ se bichhaḌte dekhā

aaj phir yaad koī choT purānī aa.ī

aaj phir nind ko aankhon se bichhaDte dekha

aaj phir yaad koi choT purani aai

ab tujhe kaise batā.eñ ki tirī yādoñ meñ

kuchh izāfa hī kiyā ham ne ḳhayānat nahīñ kī

ab tujhe kaise bataen ki teri yaadon mein

kuchh izafa hi kiya hum ne KHayanat nahin ki

yādoñ kī bauchhāroñ se jab palkeñ bhīgne lagtī haiñ

soñdhī soñdhī lagtī hai tab maazī kī rusvā.ī bhī

yaadon ki bauchhaaron se jab palken bhigne lagti hain

sondhi sondhi lagti hai tab mazi ki ruswai bhi

vo ik din jaane kis ko yaad kar ke

mire siine se lag ke ro paḌā thā

wo ek din jaane kis ko yaad kar ke

mere sine se lag ke ro paDa tha

khilā rahegā kisī yaad ke jazīre par

ye baaġh maiñ jise vīrān karne vaalā huuñ

khila rahega kisi yaad ke jazire par

ye bagh main jise viran karne wala hun

yaad use intihā.ī karte haiñ

so ham us kī burā.ī karte haiñ

yaad use intihai karte hain

so hum us ki burai karte hain

vafā kareñge nibāheñge baat māneñge

tumheñ bhī yaad hai kuchh ye kalām kis kā thā

wafa karenge nibahenge baat manenge

tumhein bhi yaad hai kuchh ye kalam kis ka tha

is zindagī meñ itnī farāġhat kise nasīb

itnā na yaad aa ki tujhe bhuul jaa.eñ ham

is zindagi mein itni faraghat kise nasib

itna na yaad aa ki tujhe bhul jaen hum

kahāñ aa ke rukne the rāste kahāñ moḌ thā use bhuul jā

vo jo mil gayā use yaad rakh jo nahīñ milā use bhuul jā

kahan aa ke rukne the raste kahan moD tha use bhul ja

wo jo mil gaya use yaad rakh jo nahin mila use bhul ja

koī vīrānī sī vīrānī hai

dasht ko dekh ke ghar yaad aayā

koi virani si virani hai

dasht ko dekh ke ghar yaad aaya

yaad aao mujhe lillāh na tum yaad karo

merī aur apnī javānī ko na barbād karo

yaad aao mujhe lillah na tum yaad karo

meri aur apni jawani ko na barbaad karo

markaz-e-jāñ to vahī tū hai magar tere sivā

log haiñ aur bhī is yaad purānī meñ kahīñ

markaz-e-jaan to wahi tu hai magar tere siwa

log hain aur bhi is yaad purani mein kahin

vahī din hai hamārī iid kā din

jo tirī yaad meñ guzartā hai

wahi din hai hamari id ka din

jo teri yaad mein guzarta hai

vo koī dost thā achchhe dinoñ kā

jo pichhlī raat se yaad aa rahā hai

wo koi dost tha achchhe dinon ka

jo pichhli raat se yaad aa raha hai

yādoñ ke shabistān meñ baiThā huā saa.il

tanhā jo nazar aatā hai tanhā nahīñ hotā

yaadon ke shabistan mein baiTha hua sail

tanha jo nazar aata hai tanha nahin hota

tū yaad aayā tire jaur-o-sitam lekin na yaad aa.e

mohabbat meñ ye ma.asūmī baḌī mushkil se aatī hai

tu yaad aaya tere jaur-o-sitam lekin na yaad aae

mohabbat mein ye masumi baDi mushkil se aati hai

aa ga.ī yaad shaam Dhalte hī

bujh gayā dil charāġh jalte hī

aa gai yaad sham Dhalte hi

bujh gaya dil charagh jalte hi

haqīqat khul ga.ī 'hasrat' tire tark-e-mohabbat kī

tujhe to ab vo pahle se bhī baḌh kar yaad aate haiñ

haqiqat khul gai 'hasrat' tere tark-e-mohabbat ki

tujhe to ab wo pahle se bhi baDh kar yaad aate hain

yaad tirī jaise ki sar-e-shām

dhund utar jaa.e paanī meñ

yaad teri jaise ki sar-e-sham

dhund utar jae pani mein

jab tujhe yaad kar liyā sub.h mahak mahak uThī

jab tirā ġham jagā liyā raat machal machal ga.ī

jab tujhe yaad kar liya subh mahak mahak uThi

jab tera gham jaga liya raat machal machal gai

kahīñ ye apnī mohabbat kī intihā to nahīñ

bahut dinoñ se tirī yaad bhī nahīñ aa.ī

kahin ye apni mohabbat ki intiha to nahin

bahut dinon se teri yaad bhi nahin aai

ek tumhārī yaad ne laakh diye jalā.e haiñ

āmad-e-shab ke qabl bhī ḳhatm-e-sahar ke baad bhī

ek tumhaari yaad ne lakh diye jalae hain

aamad-e-shab ke qabl bhi KHatm-e-sahar ke baad bhi

sochtā huuñ ki us kī yaad āḳhir

ab kise raat bhar jagātī hai

sochta hun ki us ki yaad aaKHir

ab kise raat bhar jagati hai

ab to un kī yaad bhī aatī nahīñ

kitnī tanhā ho ga.iiñ tanhā.iyāñ

ab to un ki yaad bhi aati nahin

kitni tanha ho gain tanhaiyan

yaad rakhne kī ye bāteñ haiñ bajā hai sach hai

aap bhūle na hameñ aap ko ham bhuul ga.e

yaad rakhne ki ye baaten hain baja hai sach hai

aap bhule na hamein aap ko hum bhul gae

kitne nādāñ haiñ tire bhūlne vaale ki tujhe

yaad karne ke liye umr paḌī ho jaise

kitne nadan hain tere bhulne wale ki tujhe

yaad karne ke liye umr paDi ho jaise

aaj ik aur baras biit gayā us ke baġhair

jis ke hote hue hote the zamāne mere

aaj ek aur baras bit gaya us ke baghair

jis ke hote hue hote the zamane mere

koī purānā ḳhat kuchh bhūlī-bisrī yaad

zaḳhmoñ par vo lamhe marham hote haiñ

koi purana KHat kuchh bhuli-bisri yaad

zaKHmon par wo lamhe marham hote hain

bijlī chamkī to abr royā

yaad aa ga.ī kyā hañsī kisī kī

bijli chamki to abr roya

yaad aa gai kya hansi kisi ki

aate aate aa.egā un ko ḳhayāl

jaate jaate be-ḳhayālī jā.egī

aate aate aaega un ko KHayal

jate jate be-KHayali jaegi

tumhārā naam aayā aur ham takne lage rasta

tumhārī yaad aa.ī aur khiḌkī khol dī ham ne

tumhaara nam aaya aur hum takne lage rasta

tumhaari yaad aai aur khiDki khol di hum ne

chupke chupke raat din aañsū bahānā yaad hai

ham ko ab tak āshiqī kā vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

yūñhī dil ne chāhā thā ronā-rulānā

tirī yaad to ban ga.ī ik bahānā

yunhi dil ne chaha tha rona-rulana

teri yaad to ban gai ek bahana

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

akelā pā ke mujh ko yaad un kī aa to jaatī hai

magar phir lauT kar jaatī nahīñ maiñ kaise so jā.ūñ

akela pa ke mujh ko yaad un ki aa to jati hai

magar phir lauT kar jati nahin main kaise so jaun

raat ik shaḳhs bahut yaad aayā

jis ghaḌī chāñd numūdār huā

raat ek shaKHs bahut yaad aaya

jis ghaDi chand numudar hua