Sher on Mohabbat

ye kin nazroñ se tū ne aaj dekhā

ki terā dekhnā dekhā na jaa.e

ye kin nazron se tu ne aaj dekha

ki tera dekhna dekha na jae

kabhī yak-ba-yak tavajjoh kabhī daf.atan taġhāful

mujhe aazmā rahā hai koī ruḳh badal badal kar

kabhi yak-ba-yak tawajjoh kabhi dafatan taghaful

mujhe aazma raha hai koi ruKH badal badal kar

ishq kī raah meñ maiñ mast kī tarah

kuchh nahīñ dekhtā buland aur past

ishq ki rah mein main mast ki tarah

kuchh nahin dekhta buland aur past

mohabbat meñ ham to jiye haiñ jiyeñge

vo hoñge koī aur mar jaane vaale

mohabbat mein hum to jiye hain jiyenge

wo honge koi aur mar jaane wale

agar dard-e-mohabbat se na insāñ āshnā hotā

na kuchh marne kā ġham hotā na jiine kā mazā hotā

agar dard-e-mohabbat se na insan aashna hota

na kuchh marne ka gham hota na jine ka maza hota

ilaaj apnā karāte phir rahe ho jaane kis kis se

mohabbat kar ke dekho nā mohabbat kyuuñ nahīñ karte

ilaj apna karaate phir rahe ho jaane kis kis se

mohabbat kar ke dekho na mohabbat kyun nahin karte

marg hī sehat hai us kī marg hī us kā ilaaj

ishq kā bīmār kyā jaane davā kyā chiiz hai

marg hi sehat hai us ki marg hi us ka ilaj

ishq ka bimar kya jaane dawa kya chiz hai

haa.e re majbūriyāñ mahrūmiyāñ nākāmiyāñ

ishq āḳhir ishq hai tum kyā karo ham kyā kareñ

hae re majburiyan mahrumiyan nakaamiyan

ishq aaKHir ishq hai tum kya karo hum kya karen

hosh vāloñ ko ḳhabar kyā be-ḳhudī kyā chiiz hai

ishq kiije phir samajhiye zindagī kyā chiiz hai

hosh walon ko KHabar kya be-KHudi kya chiz hai

ishq kije phir samajhiye zindagi kya chiz hai

ḳhvāhish-e-sūd thī saude meñ mohabbat ke vale

sar-ba-sar is meñ ziyāñ thā mujhe ma.alūm na thā

KHwahish-e-sud thi saude mein mohabbat ke wale

sar-ba-sar is mein ziyan tha mujhe malum na tha

muddat se ik laḌkī ke ruḳhsār kī dhuup nahīñ aa.ī

is liye mere kamre meñ itnī ThanDak rahtī hai

muddat se ek laDki ke ruKHsar ki dhup nahin aai

is liye mere kamre mein itni ThanDak rahti hai

talḳhiyāñ is meñ bahut kuchh haiñ mazā kuchh bhī nahīñ

zindagī dard-e-mohabbat ke sivā kuchh bhī nahīñ

talKHiyan is mein bahut kuchh hain maza kuchh bhi nahin

zindagi dard-e-mohabbat ke siwa kuchh bhi nahin

ishq kā ghar hai 'mīr' se ābād

aise phir ḳhānamāñ-ḳharāb kahāñ

ishq ka ghar hai 'mir' se aabaad

aise phir KHanaman-KHarab kahan

ham tire shauq meñ yuuñ ḳhud ko gañvā baiThe haiñ

jaise bachche kisī tyauhār meñ gum ho jaa.eñ

hum tere shauq mein yun KHud ko ganwa baiThe hain

jaise bachche kisi tyauhaar mein gum ho jaen

ishq kī ibtidā to jānte haiñ

ishq kī intihā nahīñ mālūm

ishq ki ibtida to jaante hain

ishq ki intiha nahin malum

maiñ us kī dastaras meñ huuñ magar vo

mujhe merī razā se māñgtā hai

main us ki dastaras mein hun magar wo

mujhe meri raza se mangta hai

na jaane mohabbat kā anjām kyā hai

maiñ ab har tasallī se ghabrā rahā huuñ

na jaane mohabbat ka anjam kya hai

main ab har tasalli se ghabra raha hun

huī na aam jahāñ meñ kabhī hukūmat-e-ishq

sabab ye hai ki mohabbat zamāna-sāz nahīñ

hui na aam jahan mein kabhi hukumat-e-ishq

sabab ye hai ki mohabbat zamana-saz nahin

koī aayā tirī jhalak dekhī

koī bolā sunī tirī āvāz

koi aaya teri jhalak dekhi

koi bola suni teri aawaz

tark-e-vafā ke ba.ad ye us kī adā 'qatīl'

mujh ko satā.e koī to us ko burā lage

tark-e-wafa ke baad ye us ki ada 'qatil'

mujh ko satae koi to us ko bura lage

ishq nāzuk-mizāj hai behad

aql kā bojh uThā nahīñ saktā

ishq nazuk-mizaj hai behad

aql ka bojh uTha nahin sakta

aarzū hai ki tū yahāñ aa.e

aur phir umr bhar na jaa.e kahīñ

aarzu hai ki tu yahan aae

aur phir umr bhar na jae kahin

kūcha-e-ishq meñ nikal aayā

jis ko ḳhāna-ḳharāb honā thā

kucha-e-ishq mein nikal aaya

jis ko KHana-KHarab hona tha

ibtidā vo thī ki jiine ke liye martā thā maiñ

intihā ye hai ki marne kī bhī hasrat na rahī

ibtida wo thi ki jine ke liye marta tha main

intiha ye hai ki marne ki bhi hasrat na rahi

anjām-e-vafā ye hai jis ne bhī mohabbat kī

marne kī duā māñgī jiine kī sazā paa.ī

anjam-e-wafa ye hai jis ne bhi mohabbat ki

marne ki dua mangi jine ki saza pai

terā milnā ḳhushī kī baat sahī

tujh se mil kar udaas rahtā huuñ

tera milna KHushi ki baat sahi

tujh se mil kar udas rahta hun

tujhe kuchh ishq o ulfat ke sivā bhī yaad hai ai dil

sunā.e jā rahā hai ek hī afsāna barsoñ se

tujhe kuchh ishq o ulfat ke siwa bhi yaad hai ai dil

sunae ja raha hai ek hi afsana barson se

aql ko tanqīd se fursat nahīñ

ishq par a.amāl kī buniyād rakh

aql ko tanqid se fursat nahin

ishq par aamal ki buniyaad rakh

'farāz' ishq kī duniyā to ḳhūb-sūrat thī

ye kis ne fitna-e-hijr-o-visāl rakkhā hai

'faraaz' ishq ki duniya to KHub-surat thi

ye kis ne fitna-e-hijr-o-visal rakkha hai

badan meñ jaise lahū tāziyāna ho gayā hai

use gale se lagā.e zamāna ho gayā hai

badan mein jaise lahu taziyana ho gaya hai

use gale se lagae zamana ho gaya hai

mohabbat adāvat vafā be-ruḳhī

kirā.e ke ghar the badalte rahe

mohabbat adawat wafa be-ruKHi

kirae ke ghar the badalte rahe

tirī ḳhushī se agar ġham meñ bhī ḳhushī na huī

vo zindagī to mohabbat kī zindagī na huī

teri KHushi se agar gham mein bhi KHushi na hui

wo zindagi to mohabbat ki zindagi na hui

ishq par zor nahīñ hai ye vo ātish 'ġhālib'

ki lagā.e na lage aur bujhā.e na bane

ishq par zor nahin hai ye wo aatish 'ghaalib'

ki lagae na lage aur bujhae na bane

ishq meñ qadr-e-ḳhastagī kī ummīd

ai 'jigar' hosh kī davā kījiye

ishq mein qadr-e-KHastagi ki ummid

ai 'jigar' hosh ki dawa kijiye

kabhū ronā kabhū hañsnā kabhū hairān ho jaanā

mohabbat kyā bhale-chañge ko dīvāna banātī hai

kabhu rona kabhu hansna kabhu hairan ho jaana

mohabbat kya bhale-change ko diwana banati hai

tumhāre ishq meñ ham nañg-o-nām bhuul ga.e

jahāñ meñ kaam the jitne tamām bhuul ga.e

tumhaare ishq mein hum nang-o-nam bhul gae

jahan mein kaam the jitne tamam bhul gae

kū-ba-kū phail ga.ī baat shanāsā.ī kī

us ne ḳhushbū kī tarah merī pazīrā.ī kī

ku-ba-ku phail gai baat shanasai ki

us ne KHushbu ki tarah meri pazirai ki

ishq us dard kā nahīñ qaa.il

jo musībat kī intihā na huā

ishq us dard ka nahin qail

jo musibat ki intiha na hua

ishq phir ishq hai jis ruup meñ jis bhes meñ ho

ishrat-e-vasl bane yā ġham-e-hijrāñ ho jaa.e

ishq phir ishq hai jis rup mein jis bhes mein ho

ishrat-e-wasl bane ya gham-e-hijran ho jae

ai dost ham ne tark-e-mohabbat ke bāvajūd

mahsūs kī hai terī zarūrat kabhī kabhī

ai dost hum ne tark-e-mohabbat ke bawajud

mahsus ki hai teri zarurat kabhi kabhi

tujh meñ aur mujh meñ ta.alluq hai vahī

hai jo rishta saaz aur mizrāb meñ

tujh mein aur mujh mein talluq hai wahi

hai jo rishta saz aur mizrab mein

ye vafā kī saḳht rāheñ ye tumhāre paañv nāzuk

na lo intiqām mujh se mire saath saath chal ke

ye wafa ki saKHt rahen ye tumhaare panw nazuk

na lo intiqam mujh se mere sath sath chal ke

garmī-e-hasrat-e-nākām se jal jaate haiñ

ham charāġhoñ kī tarah shaam se jal jaate haiñ

garmi-e-hasrat-e-nakaam se jal jate hain

hum charaghon ki tarah sham se jal jate hain

tumhāre hijr meñ kyuuñ zindagī na mushkil ho

tumhīñ jigar ho tumhīñ jaan ho tumhīñ dil ho

tumhaare hijr mein kyun zindagi na mushkil ho

tumhin jigar ho tumhin jaan ho tumhin dil ho

jab se tū ne mujhe dīvāna banā rakkhā hai

sañg har shaḳhs ne hāthoñ meñ uThā rakkhā hai

jab se tu ne mujhe diwana bana rakkha hai

sang har shaKHs ne hathon mein uTha rakkha hai

mohabbat mar ga.ī 'mushtāq' lekin tum na mānoge

maiñ ye afvāh bhī tum ko sunā kar dekh letā huuñ

mohabbat mar gai 'mushtaq' lekin tum na manoge

main ye afwah bhi tum ko suna kar dekh leta hun

mohabbat meñ ik aisā vaqt bhī dil par guzartā hai

ki aañsū ḳhushk ho jaate haiñ tuġhyānī nahīñ jaatī

mohabbat mein ek aisa waqt bhi dil par guzarta hai

ki aansu KHushk ho jate hain tughyani nahin jati

ham haiñ un se vo ġhair se māyūs

kyā mohabbat kisī ko raas nahīñ

hum hain un se wo ghair se mayus

kya mohabbat kisi ko ras nahin

maiñ aa gayā huuñ vahāñ tak tirī tamannā meñ

jahāñ se koī bhī imkān-e-vāpsī na rahe

main aa gaya hun wahan tak teri tamanna mein

jahan se koi bhi imkan-e-wapsi na rahe

mohabbat ke liye dil DhūñDh koī TūTne vaalā

ye vo mai hai jise rakhte haiñ nāzuk ābgīnoñ meñ

mohabbat ke liye dil DhunDh koi TuTne wala

ye wo mai hai jise rakhte hain nazuk aabginon mein