Sher on Gham

dil nā-umīd to nahīñ nākām hī to hai

lambī hai ġham kī shaam magar shaam hī to hai

dil na-umid to nahin nakaam hi to hai

lambi hai gham ki sham magar sham hi to hai

kar rahā thā ġham-e-jahāñ kā hisāb

aaj tum yaad be-hisāb aa.e

kar raha tha gham-e-jahan ka hisab

aaj tum yaad be-hisab aae

apne chehre se jo zāhir hai chhupā.eñ kaise

terī marzī ke mutābiq nazar aa.eñ kaise

apne chehre se jo zahir hai chhupaen kaise

teri marzi ke mutabiq nazar aaen kaise

saarī duniyā ke ġham hamāre haiñ

aur sitam ye ki ham tumhāre haiñ

sari duniya ke gham hamare hain

aur sitam ye ki hum tumhaare hain

ġham aur ḳhushī meñ farq na mahsūs ho jahāñ

maiñ dil ko us maqām pe laatā chalā gayā

gham aur KHushi mein farq na mahsus ho jahan

main dil ko us maqam pe lata chala gaya

ab to ḳhushī kā ġham hai na ġham kī ḳhushī mujhe

be-his banā chukī hai bahut zindagī mujhe

ab to KHushi ka gham hai na gham ki KHushi mujhe

be-his bana chuki hai bahut zindagi mujhe

merī qismat meñ ġham gar itnā thā

dil bhī yā-rab ka.ī diye hote

meri qismat mein gham gar itna tha

dil bhi ya-rab kai diye hote

patthar ke jigar vaalo ġham meñ vo ravānī hai

ḳhud raah banā legā bahtā huā paanī hai

patthar ke jigar walo gham mein wo rawani hai

KHud rah bana lega bahta hua pani hai

is qadar musalsal thiiñ shiddateñ judā.ī kī

aaj pahlī baar us se maiñ ne bevafā.ī kī

is qadar musalsal thin shiddaten judai ki

aaj pahli bar us se main ne bewafai ki

tum itnā jo muskurā rahe ho

kyā ġham hai jis ko chhupā rahe ho

tum itna jo muskura rahe ho

kya gham hai jis ko chhupa rahe ho

ġham-e-duniyā bhī ġham-e-yār meñ shāmil kar lo

nashsha baḌhtā hai sharābeñ jo sharāboñ meñ mileñ

gham-e-duniya bhi gham-e-yar mein shamil kar lo

nashsha baDhta hai sharaben jo sharabon mein milen

ai ġham-e-zindagī na ho nārāz

mujh ko aadat hai muskurāne kī

ai gham-e-zindagi na ho naraaz

mujh ko aadat hai muskurane ki

musībat aur lambī zindagānī

buzurgoñ kī duā ne maar Daalā

musibat aur lambi zindagani

buzurgon ki dua ne mar Dala

maiñ ronā chāhtā huuñ ḳhuub ronā chāhtā huuñ maiñ

phir us ke baad gahrī niind sonā chāhtā huuñ maiñ

main rona chahta hun KHub rona chahta hun main

phir us ke baad gahri nind sona chahta hun main

qaid-e-hayāt o band-e-ġham asl meñ donoñ ek haiñ

maut se pahle aadmī ġham se najāt paa.e kyuuñ

qaid-e-hayat o band-e-gham asl mein donon ek hain

maut se pahle aadmi gham se najat pae kyun

un kā ġham un kā tasavvur un kī yaad

kaT rahī hai zindagī ārām se

un ka gham un ka tasawwur un ki yaad

kaT rahi hai zindagi aaram se

zamāne bhar ke ġham yā ik tirā ġham

ye ġham hogā to kitne ġham na hoñge

zamane bhar ke gham ya ek tera gham

ye gham hoga to kitne gham na honge

ġham hai na ab ḳhushī hai na ummīd hai na yaas

sab se najāt paa.e zamāne guzar ga.e

gham hai na ab KHushi hai na ummid hai na yas

sab se najat pae zamane guzar gae

ek vo haiñ ki jinheñ apnī ḳhushī le Duubī

ek ham haiñ ki jinheñ ġham ne ubharne na diyā

ek wo hain ki jinhen apni KHushi le Dubi

ek hum hain ki jinhen gham ne ubharne na diya

jab tujhe yaad kar liyā sub.h mahak mahak uThī

jab tirā ġham jagā liyā raat machal machal ga.ī

jab tujhe yaad kar liya subh mahak mahak uThi

jab tera gham jaga liya raat machal machal gai

sukūn de na sakīñ rāhateñ zamāne kī

jo niiñd aa.ī tire ġham kī chhāñv meñ aa.ī

sukun de na sakin rahaten zamane ki

jo nind aai tere gham ki chhanw mein aai

ye ġham nahīñ hai ki ham donoñ ek ho na sake

ye rañj hai ki koī darmiyān meñ bhī na thā

ye gham nahin hai ki hum donon ek ho na sake

ye ranj hai ki koi darmiyan mein bhi na tha

tujh ko pā kar bhī na kam ho sakī be-tābī-e-dil

itnā āsān tire ishq kā ġham thā hī nahīñ

tujh ko pa kar bhi na kam ho saki be-tabi-e-dil

itna aasan tere ishq ka gham tha hi nahin

are o āsmāñ vaale batā is meñ burā kyā hai

ḳhushī ke chaar jhoñke gar idhar se bhī guzar jaa.eñ

are o aasman wale bata is mein bura kya hai

KHushi ke chaar jhonke gar idhar se bhi guzar jaen

kyā kahūñ kis tarah se jiitā huuñ

ġham ko khātā huuñ aañsū piitā huuñ

kya kahun kis tarah se jita hun

gham ko khata hun aansu pita hun

agar maujeñ Dubo detīñ to kuchh taskīn ho jaatī

kināroñ ne Duboyā hai mujhe is baat kā ġham hai

agar maujen Dubo detin to kuchh taskin ho jati

kinaron ne Duboya hai mujhe is baat ka gham hai

ik ishq kā ġham aafat aur us pe ye dil aafat

yā ġham na diyā hotā yā dil na diyā hotā

ek ishq ka gham aafat aur us pe ye dil aafat

ya gham na diya hota ya dil na diya hota

un kā ġham un kā tasavvur un ke shikve ab kahāñ

ab to ye bāteñ bhī ai dil ho ga.iiñ aa.ī ga.ī

un ka gham un ka tasawwur un ke shikwe ab kahan

ab to ye baaten bhi ai dil ho gain aai gai

ġham se bikhrā na pā.emāl huā

maiñ to ġham se hī be-misāl huā

gham se bikhra na paemal hua

main to gham se hi be-misal hua

mujhe ḳhabar nahīñ ġham kyā hai aur ḳhushī kyā hai

ye zindagī kī hai sūrat to zindagī kyā hai

mujhe KHabar nahin gham kya hai aur KHushi kya hai

ye zindagi ki hai surat to zindagi kya hai

ilāhī ek ġham-e-rozgār kyā kam thā

ki ishq bhej diyā jān-e-mubtalā ke liye

ilahi ek gham-e-rozgar kya kam tha

ki ishq bhej diya jaan-e-mubtala ke liye

ham ko kis ke ġham ne maarā ye kahānī phir sahī

kis ne toḌā dil hamārā ye kahānī phir sahī

hum ko kis ke gham ne mara ye kahani phir sahi

kis ne toDa dil hamara ye kahani phir sahi

ġham meñ kuchh ġham kā mashġhalā kiije

dard kī dard se davā kiije

gham mein kuchh gham ka mashghala kije

dard ki dard se dawa kije

jam.a ham ne kiyā hai ġham dil meñ

is kā ab suud khaa.e jā.eñge

jama hum ne kiya hai gham dil mein

is ka ab sud khae jaenge

ġham mujhe dete ho auroñ kī ḳhushī ke vāste

kyuuñ bure bante ho tum nāhaq kisī ke vāste

gham mujhe dete ho auron ki KHushi ke waste

kyun bure bante ho tum nahaq kisi ke waste

ashk-e-ġham dīda-e-pur-nam se sambhāle na ga.e

ye vo bachche haiñ jo maañ baap se paale na ga.e

ashk-e-gham dida-e-pur-nam se sambhaale na gae

ye wo bachche hain jo man bap se pale na gae

mirī zindagī pe na muskurā mujhe zindagī kā alam nahīñ

jise tere ġham se ho vāsta vo ḳhizāñ bahār se kam nahīñ

meri zindagi pe na muskura mujhe zindagi ka alam nahin

jise tere gham se ho wasta wo KHizan bahaar se kam nahin

ġham-e-dil ab kisī ke bas kā nahīñ

kyā davā kyā duā kare koī

gham-e-dil ab kisi ke bas ka nahin

kya dawa kya dua kare koi

dard o ġham dil kī tabī.at ban ga.e

ab yahāñ ārām hī ārām hai

dard o gham dil ki tabiat ban gae

ab yahan aaram hi aaram hai

ġham hai āvāra akele meñ bhaTak jaatā hai

jis jagah rahiye vahāñ milte-milāte rahiye

gham hai aawara akele mein bhaTak jata hai

jis jagah rahiye wahan milte-milate rahiye

ġham kī tauhīn na kar ġham kī shikāyat kar ke

dil rahe yā na rahe azmat-e-ġham rahne de

gham ki tauhin na kar gham ki shikayat kar ke

dil rahe ya na rahe azmat-e-gham rahne de

ġham-e-hastī kā 'asad' kis se ho juz marg ilaaj

sham.a har rañg meñ jaltī hai sahar hote tak

gham-e-hasti ka 'asad' kis se ho juz marg ilaj

shama har rang mein jalti hai sahar hote tak

zindagī kitnī masarrat se guzartī yā rab

aish kī tarah agar ġham bhī gavārā hotā

zindagi kitni masarrat se guzarti ya rab

aish ki tarah agar gham bhi gawara hota

tum aziiz aur tumhārā ġham bhī aziiz

kis se kis kā gilā kare koī

tum aziz aur tumhaara gham bhi aziz

kis se kis ka gila kare koi

dil gayā raunaq-e-hayāt ga.ī

ġham gayā saarī kā.enāt ga.ī

dil gaya raunaq-e-hayat gai

gham gaya sari kaenat gai

ġham kī duniyā rahe ābād 'shakīl'

muflisī meñ koī jāgīr to hai

gham ki duniya rahe aabaad 'shakil'

muflisi mein koi jagir to hai

kaun kisī kā ġham khātā hai

kahne ko ġham-ḳhvār hai duniyā

kaun kisi ka gham khata hai

kahne ko gham-KHwar hai duniya

vo bhalā kaise batā.e ki ġham-e-hijr hai kyā

jis ko āġhosh-e-mohabbat kabhī hāsil na huā

wo bhala kaise batae ki gham-e-hijr hai kya

jis ko aaghosh-e-mohabbat kabhi hasil na hua

hazār tarah ke the ranj pichhle mausam meñ

par itnā thā ki koī saath rone vaalā thā

hazar tarah ke the ranj pichhle mausam mein

par itna tha ki koi sath rone wala tha

dil dabā jaatā hai kitnā aaj ġham ke baar se

kaisī tanhā.ī Tapaktī hai dar o dīvār se

dil daba jata hai kitna aaj gham ke bar se

kaisi tanhai Tapakti hai dar o diwar se