Sher on Famous shayari

abhī na chheḌ mohabbat ke giit ai mutrib

abhī hayāt kā māhaul ḳhush-gavār nahīñ

abhi na chheD mohabbat ke git ai mutrib

abhi hayat ka mahaul KHush-gawar nahin

ham jurm-e-mohabbat kī sazā pā.eñge tanhā

jo tujh se huī ho vo ḳhatā saath liye jā

hum jurm-e-mohabbat ki saza paenge tanha

jo tujh se hui ho wo KHata sath liye ja

jhukī jhukī sī nazar be-qarār hai ki nahīñ

dabā dabā sā sahī dil meñ pyaar hai ki nahīñ

jhuki jhuki si nazar be-qarar hai ki nahin

daba daba sa sahi dil mein pyar hai ki nahin

āgāh apnī maut se koī bashar nahīñ

sāmān sau baras kā hai pal kī ḳhabar nahīñ

aagah apni maut se koi bashar nahin

saman sau baras ka hai pal ki KHabar nahin

āñkheñ na jiine deñgī tirī be-vafā mujhe

kyuuñ khiḌkiyoñ se jhāñk rahī hai qazā mujhe

aankhen na jine dengi teri be-wafa mujhe

kyun khiDkiyon se jhank rahi hai qaza mujhe

qais jañgal meñ akelā hai mujhe jaane do

ḳhuub guzregī jo mil baiTheñge dīvāne do

qais jangal mein akela hai mujhe jaane do

KHub guzregi jo mil baiThenge diwane do

kī mire qatl ke ba.ad us ne jafā se tauba

haa.e us zūd-pashīmāñ kā pashīmāñ honā

ki mere qatl ke baad us ne jafa se tauba

hae us zud-pashiman ka pashiman hona

tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai

ham ko miTā sake ye zamāne meñ dam nahīñ

ham se zamāna ḳhud hai zamāne se ham nahīñ

hum ko miTa sake ye zamane mein dam nahin

hum se zamana KHud hai zamane se hum nahin

vo aks ban ke mirī chashm-e-tar meñ rahtā hai

ajiib shaḳhs hai paanī ke ghar meñ rahtā hai

wo aks ban ke meri chashm-e-tar mein rahta hai

ajib shaKHs hai pani ke ghar mein rahta hai

ḳhabar sun kar mire marne kī vo bole raqīboñ se

ḳhudā baḳhshe bahut sī ḳhūbiyāñ thiiñ marne vaale meñ

KHabar sun kar mere marne ki wo bole raqibon se

KHuda baKHshe bahut si KHubiyan thin marne wale mein

jab bhī aatā hai mirā naam tire naam ke saath

jaane kyuuñ log mire naam se jal jaate haiñ

jab bhi aata hai mera nam tere nam ke sath

jaane kyun log mere nam se jal jate hain

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

tū idhar udhar kī na baat kar ye batā ki qāfile kyuuñ luTe

tirī rahbarī kā savāl hai hameñ rāhzan se ġharaz nahīñ

tu idhar udhar ki na baat kar ye bata ki qafile kyun luTe

teri rahbari ka sawal hai hamein rahzan se gharaz nahin

har aadmī meñ hote haiñ das biis aadmī

jis ko bhī dekhnā ho ka.ī baar dekhnā

har aadmi mein hote hain das bis aadmi

jis ko bhi dekhna ho kai bar dekhna

'anīs' dam kā bharosā nahīñ Thahar jaao

charāġh le ke kahāñ sāmne havā ke chale

'anis' dam ka bharosa nahin Thahar jao

charagh le ke kahan samne hawa ke chale

le de ke apne paas faqat ik nazar to hai

kyuuñ dekheñ zindagī ko kisī kī nazar se ham

le de ke apne pas faqat ek nazar to hai

kyun dekhen zindagi ko kisi ki nazar se hum

chale to paañv ke nīche kuchal ga.ī koī shai

nashe kī jhoñk meñ dekhā nahīñ ki duniyā hai

chale to panw ke niche kuchal gai koi shai

nashe ki jhonk mein dekha nahin ki duniya hai

shīsha TuuTe ġhul mach jaa.e

dil TuuTe āvāz na aa.e

shisha TuTe ghul mach jae

dil TuTe aawaz na aae

ik lafz-e-mohabbat kā adnā ye fasānā hai

simTe to dil-e-āshiq phaile to zamāna hai

ek lafz-e-mohabbat ka adna ye fasana hai

simTe to dil-e-ashiq phaile to zamana hai

dekhā jo khā ke tiir kamīñ-gāh kī taraf

apne hī dostoñ se mulāqāt ho ga.ī

dekha jo kha ke tir kamin-gah ki taraf

apne hi doston se mulaqat ho gai

der lagī aane meñ tum ko shukr hai phir bhī aa.e to

aas ne dil kā saath na chhoḌā vaise ham ghabrā.e to

der lagi aane mein tum ko shukr hai phir bhi aae to

aas ne dil ka sath na chhoDa waise hum ghabrae to

baat saaqī kī na Taalī jā.egī

kar ke tauba toḌ Daalī jā.egī

baat saqi ki na Tali jaegi

kar ke tauba toD Dali jaegi

baat ulTī vo samajhte haiñ jo kuchh kahtā huuñ

ab kī pūchhā to ye kah dūñgā ki haal achchhā hai

baat ulTi wo samajhte hain jo kuchh kahta hun

ab ki puchha to ye kah dunga ki haal achchha hai

khanak jaate haiñ jab sāġhar to pahroñ kaan bajte haiñ

are tauba baḌī tauba-shikan āvāz hotī hai

khanak jate hain jab saghar to pahron kan bajte hain

are tauba baDi tauba-shikan aawaz hoti hai

lagā rahā huuñ mazāmīn-e-nau ke phir ambār

ḳhabar karo mere ḳhirman ke ḳhoshā-chīnoñ ko

laga raha hun mazamin-e-nau ke phir ambar

KHabar karo mere KHirman ke KHosha-chinon ko

hai justujū ki ḳhuub se hai ḳhūb-tar kahāñ

ab Thahartī hai dekhiye jā kar nazar kahāñ

hai justuju ki KHub se hai KHub-tar kahan

ab Thaharti hai dekhiye ja kar nazar kahan

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

diyā ḳhāmosh hai lekin kisī kā dil to jaltā hai

chale aao jahāñ tak raushnī ma.alūm hotī hai

diya KHamosh hai lekin kisi ka dil to jalta hai

chale aao jahan tak raushni malum hoti hai

shabān-e-hijrāñ darāz chuuñ zulf roz-e-vaslat chū umr kotāh

sakhī piyā ko jo maiñ na dekhūñ to kaise kāTūñ añdherī ratiyāñ

shaban-e-hijran daraaz chun zulf roz-e-waslat chu umr kotah

sakhi piya ko jo main na dekhun to kaise kaTun andheri ratiyan

mujh se tū pūchhne aayā hai vafā ke ma.anī

ye tirī sāda-dilī maar na Daale mujh ko

mujh se tu puchhne aaya hai wafa ke mani

ye teri sada-dili mar na Dale mujh ko

hamāre ghar kī dīvāroñ pe 'nāsir'

udāsī baal khole so rahī hai

hamare ghar ki diwaron pe 'nasir'

udasi baal khole so rahi hai

is sādgī pe kaun na mar jaa.e ai ḳhudā

laḌte haiñ aur haath meñ talvār bhī nahīñ

is sadgi pe kaun na mar jae ai KHuda

laDte hain aur hath mein talwar bhi nahin

chal saath ki hasrat dil-e-marhūm se nikle

āshiq kā janāza hai zarā dhuum se nikle

chal sath ki hasrat dil-e-marhum se nikle

aashiq ka janaza hai zara dhum se nikle

shāyad isī kā naam mohabbat hai 'sheftā'

ik aag sī hai siine ke andar lagī huī

shayad isi ka nam mohabbat hai 'shefta'

ek aag si hai sine ke andar lagi hui

'mīr' amdan bhī koī martā hai

jaan hai to jahān hai pyāre

'mir' amdan bhi koi marta hai

jaan hai to jahan hai pyare

ik baar tujhe aql ne chāhā thā bhulānā

sau baar junūñ ne tirī tasvīr dikhā dī

ek bar tujhe aql ne chaha tha bhulana

sau bar junun ne teri taswir dikha di

na chheḌ ai nik.hat-e-bād-e-bahārī raah lag apnī

tujhe aTkheliyāñ sūjhī haiñ ham be-zār baiThe haiñ

na chheD ai nikhat-e-baad-e-bahaari rah lag apni

tujhe aTkheliyan sujhi hain hum be-zar baiThe hain

har nafas umr-e-guzishta kī hai mayyat 'fānī'

zindagī naam hai mar mar ke jiye jaane kā

har nafas umr-e-guzishta ki hai mayyat 'fani'

zindagi nam hai mar mar ke jiye jaane ka

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

kaun aa.egā yahāñ koī na aayā hogā

merā darvāza havāoñ ne hilāyā hogā

kaun aaega yahan koi na aaya hoga

mera darwaza hawaon ne hilaya hoga

is tarah zindagī ne diyā hai hamārā saath

jaise koī nibāh rahā ho raqīb se

is tarah zindagi ne diya hai hamara sath

jaise koi nibah raha ho raqib se

jab huā zikr zamāne meñ mohabbat kā 'shakīl'

mujh ko apne dil-e-nākām pe ronā aayā

jab hua zikr zamane mein mohabbat ka 'shakil'

mujh ko apne dil-e-nakaam pe rona aaya

ai sanam vasl kī tadbīroñ se kyā hotā hai

vahī hotā hai jo manzūr-e-ḳhudā hotā hai

ai sanam wasl ki tadbiron se kya hota hai

wahi hota hai jo manzur-e-KHuda hota hai

jab lageñ zaḳhm to qātil ko duā dī jaa.e

hai yahī rasm to ye rasm uThā dī jaa.e

jab lagen zaKHm to qatil ko dua di jae

hai yahi rasm to ye rasm uTha di jae

ulTī ho ga.iiñ sab tadbīreñ kuchh na davā ne kaam kiyā

dekhā is bīmāri-e-dil ne āḳhir kaam tamām kiyā

ulTi ho gain sab tadbiren kuchh na dawa ne kaam kiya

dekha is bimari-e-dil ne aaKHir kaam tamam kiya

hai mashq-e-suḳhan jaarī chakkī kī mashaqqat bhī

ik turfa tamāshā hai 'hasrat' kī tabī.at bhī

hai mashq-e-suKHan jari chakki ki mashaqqat bhi

ek turfa tamasha hai 'hasrat' ki tabiat bhi

ai tā.ir-e-lāhautī us rizq se maut achchhī

jis rizq se aatī ho parvāz meñ kotāhī

ai tair-e-lahauti us rizq se maut achchhi

jis rizq se aati ho parwaz mein kotahi

barbādiyoñ kā sog manānā fuzūl thā

barbādiyoñ kā jashn manātā chalā gayā

barbaadiyon ka sog manana fuzul tha

barbaadiyon ka jashn manata chala gaya

vo afsāna jise anjām tak laanā na ho mumkin

use ik ḳhūb-sūrat moḌ de kar chhoḌnā achchhā

wo afsana jise anjam tak lana na ho mumkin

use ek KHub-surat moD de kar chhoDna achchha