Sher on Jawani

sair kar duniyā kī ġhāfil zindagānī phir kahāñ

zindagī gar kuchh rahī to ye javānī phir kahāñ

sair kar duniya ki ghafil zindagani phir kahan

zindagi gar kuchh rahi to ye jawani phir kahan

hayā nahīñ hai zamāne kī aañkh meñ baaqī

ḳhudā kare ki javānī tirī rahe be-dāġh

haya nahin hai zamane ki aankh mein baqi

KHuda kare ki jawani teri rahe be-dagh

raat bhī niiñd bhī kahānī bhī

haa.e kyā chiiz hai javānī bhī

raat bhi nind bhi kahani bhi

hae kya chiz hai jawani bhi

adā aa.ī jafā aa.ī ġhurūr aayā hijāb aayā

hazāroñ āfateñ le kar hasīnoñ par shabāb aayā

ada aai jafa aai ghurur aaya hijab aaya

hazaron aafaten le kar hasinon par shabab aaya

kisī kā ahd-e-javānī meñ pārsā honā

qasam ḳhudā kī ye tauhīn hai javānī kī

kisi ka ahd-e-jawani mein parsa hona

qasam KHuda ki ye tauhin hai jawani ki

kahte haiñ umr-e-rafta kabhī lauTtī nahīñ

jā mai-kade se merī javānī uThā ke lā

kahte hain umr-e-rafta kabhi lauTti nahin

ja mai-kade se meri jawani uTha ke la

azaab hotī haiñ aksar shabāb kī ghaḌiyāñ

gulāb apnī hī ḳhushbū se Darne lagte haiñ

azab hoti hain aksar shabab ki ghaDiyan

gulab apni hi KHushbu se Darne lagte hain

safar pīchhe kī jānib hai qadam aage hai merā

maiñ būḌhā hotā jaatā huuñ javāñ hone kī ḳhātir

safar pichhe ki jaanib hai qadam aage hai mera

main buDha hota jata hun jawan hone ki KHatir

talāq de to rahe ho itāb-o-qahr ke saath

mirā shabāb bhī lauTā do merī mahr ke saath

talaq de to rahe ho itab-o-qahr ke sath

mera shabab bhi lauTa do meri mahr ke sath

zikr jab chhiḌ gayā qayāmat kā

baat pahuñchī tirī javānī tak

zikr jab chhiD gaya qayamat ka

baat pahunchi teri jawani tak

hijr ko hausla aur vasl ko fursat darkār

ik mohabbat ke liye ek javānī kam hai

hijr ko hausla aur wasl ko fursat darkar

ek mohabbat ke liye ek jawani kam hai

javāñ hone lage jab vo to ham se kar liyā parda

hayā yak-laḳht aa.ī aur shabāb āhista āhista

jawan hone lage jab wo to hum se kar liya parda

haya yak-laKHt aai aur shabab aahista aahista

bach jaa.e javānī meñ jo duniyā kī havā se

hotā hai farishta koī insāñ nahīñ hotā

bach jae jawani mein jo duniya ki hawa se

hota hai farishta koi insan nahin hota

ik adā mastāna sar se paañv tak chhā.ī huī

uf tirī kāfir javānī josh par aa.ī huī

ek ada mastana sar se panw tak chhai hui

uf teri kafir jawani josh par aai hui

ab jo ik hasrat-e-javānī hai

umr-e-rafta kī ye nishānī hai

ab jo ek hasrat-e-jawani hai

umr-e-rafta ki ye nishani hai

vo kuchh muskurānā vo kuchh jheñp jaanā

javānī adā.eñ sikhātī haiñ kyā kyā

wo kuchh muskurana wo kuchh jhenp jaana

jawani adaen sikhati hain kya kya

uff vo tūfān-e-shabāb aah vo siina terā

jise har saañs meñ dab dab ke ubhartā dekhā

uff wo tufan-e-shabab aah wo sina tera

jise har sans mein dab dab ke ubharta dekha

javānī ko bachā sakte to haiñ har daaġh se vaa.iz

magar aisī javānī ko javānī kaun kahtā hai

jawani ko bacha sakte to hain har dagh se waiz

magar aisi jawani ko jawani kaun kahta hai

tasavvur meñ bhī ab vo be-naqāb aate nahīñ mujh tak

qayāmat aa chukī hai log kahte haiñ shabāb aayā

tasawwur mein bhi ab wo be-naqab aate nahin mujh tak

qayamat aa chuki hai log kahte hain shabab aaya

log kahte haiñ ki bad-nāmī se bachnā chāhiye

kah do be is ke javānī kā mazā miltā nahīñ

log kahte hain ki bad-nami se bachna chahiye

kah do be is ke jawani ka maza milta nahin

javānī kī duā laḌkoñ ko nā-haq log dete haiñ

yahī laḌke miTāte haiñ javānī ko javāñ ho kar

jawani ki dua laDkon ko na-haq log dete hain

yahi laDke miTate hain jawani ko jawan ho kar

haa.e 'sīmāb' us kī majbūrī

jis ne kī ho shabāb meñ tauba

hae 'simab' us ki majburi

jis ne ki ho shabab mein tauba

hai javānī ḳhud javānī kā siñgār

sādgī gahna hai is sin ke liye

hai jawani KHud jawani ka singar

sadgi gahna hai is sin ke liye

vaqt-e-pīrī shabāb kī bāteñ

aisī haiñ jaise ḳhvāb kī bāteñ

waqt-e-piri shabab ki baaten

aisi hain jaise KHwab ki baaten

aa.ina dekh ke farmāte haiñ

kis ġhazab kī hai javānī merī

aaina dekh ke farmate hain

kis ghazab ki hai jawani meri

gudāz-e-ishq nahīñ kam jo maiñ javāñ na rahā

vahī hai aag magar aag meñ dhuāñ na rahā

gudaz-e-ishq nahin kam jo main jawan na raha

wahi hai aag magar aag mein dhuan na raha

kyuuñ javānī kī mujhe yaad aa.ī

maiñ ne ik ḳhvāb sā dekhā kyā thā

kyun jawani ki mujhe yaad aai

main ne ek KHwab sa dekha kya tha

qayāmat hai tirī uThtī javānī

ġhazab Dhāne lagīñ nīchī nigāheñ

qayamat hai teri uThti jawani

ghazab Dhane lagin nichi nigahen

balā hai qahr hai aafat hai fitna hai qayāmat hai

hasīnoñ kī javānī ko javānī kaun kahtā hai

bala hai qahr hai aafat hai fitna hai qayamat hai

hasinon ki jawani ko jawani kaun kahta hai

yaad aao mujhe lillāh na tum yaad karo

merī aur apnī javānī ko na barbād karo

yaad aao mujhe lillah na tum yaad karo

meri aur apni jawani ko na barbaad karo

mazā hai ahd-e-javānī meñ sar paTakne kā

lahū meñ phir ye ravānī rahe rahe na rahe

maza hai ahd-e-jawani mein sar paTakne ka

lahu mein phir ye rawani rahe rahe na rahe

apnī ujḌī huī duniyā kī kahānī huuñ maiñ

ek bigḌī huī tasvīr-e-javānī huuñ maiñ

apni ujDi hui duniya ki kahani hun main

ek bigDi hui taswir-e-jawani hun main

talātum aarzū meñ hai na tūfāñ justujū meñ hai

javānī kā guzar jaanā hai dariyā kā utar jaanā

talatum aarzu mein hai na tufan justuju mein hai

jawani ka guzar jaana hai dariya ka utar jaana

javāñ hote hī le uḌā husn tum ko

parī ho ga.e tum to insān ho kar

jawan hote hi le uDa husn tum ko

pari ho gae tum to insan ho kar

piirī meñ valvale vo kahāñ haiñ shabāb ke

ik dhuup thī ki saath ga.ī āftāb ke

piri mein walwale wo kahan hain shabab ke

ek dhup thi ki sath gai aaftab ke

sambhālā hosh to marne lage hasīnoñ par

hameñ to maut hī aa.ī shabāb ke badle

sambhaala hosh to marne lage hasinon par

hamein to maut hi aai shabab ke badle

tirā shabāb rahe ham raheñ sharāb rahe

ye daur aish kā tā daur-e-āftāb rahe

tera shabab rahe hum rahen sharab rahe

ye daur aish ka ta daur-e-aftab rahe

shabāb naam hai us jāñ-navāz lamhe kā

jab aadmī ko ye mahsūs ho javāñ huuñ maiñ

shabab nam hai us jaan-nawaz lamhe ka

jab aadmi ko ye mahsus ho jawan hun main

ye husn-e-dil-fareb ye aalam shabāb kā

goyā chhalak rahā hai piyāla sharāb kā

ye husn-e-dil-fareb ye aalam shabab ka

goya chhalak raha hai piyala sharab ka

ai ham-nafas na pūchh javānī kā mājrā

mauj-e-nasīm thī idhar aa.ī udhar ga.ī

ai ham-nafas na puchh jawani ka majra

mauj-e-nasim thi idhar aai udhar gai

naujavānī meñ pārsā honā

kaisā kār-e-zabūn hai pyāre

naujawani mein parsa hona

kaisa kar-e-zabun hai pyare

mujh tak us mahfil meñ phir jām-e-sharāb aane ko hai

umr-e-rafta palTī aatī hai shabāb aane ko hai

mujh tak us mahfil mein phir jam-e-sharab aane ko hai

umr-e-rafta palTi aati hai shabab aane ko hai

kis tarah javānī meñ chalūñ raah pe nāseh

ye umr hī aisī hai sujhā.ī nahīñ detā

kis tarah jawani mein chalun rah pe naseh

ye umr hi aisi hai sujhai nahin deta

kyā yaad kar ke ro.uuñ ki kaisā shabāb thā

kuchh bhī na thā havā thī kahānī thī ḳhvāb thā

kya yaad kar ke roun ki kaisa shabab tha

kuchh bhi na tha hawa thi kahani thi KHwab tha

'jalāl' ahd-e-javānī hai doge dil sau baar

abhī kī tauba nahīñ e'tibār ke qābil

'jalal' ahd-e-jawani hai doge dil sau bar

abhi ki tauba nahin e'tibar ke qabil

vo ahd-e-javānī vo ḳharābāt kā aalam

naġhmāt meñ Duubī huī barsāt kā aalam

wo ahd-e-jawani wo KHarabaat ka aalam

naghmat mein Dubi hui barsat ka aalam

ḳhāmosh ho ga.iiñ jo umañgeñ shabāb kī

phir jur.at-e-gunāh na kī ham bhī chup rahe

KHamosh ho gain jo umangen shabab ki

phir jurat-e-gunah na ki hum bhi chup rahe

tauba tauba ye balā-ḳhez javānī tauba

dekh kar us but-e-kāfir ko ḳhudā yaad aayā

tauba tauba ye bala-KHez jawani tauba

dekh kar us but-e-kafir ko KHuda yaad aaya

ragoñ meñ dauḌtī haiñ bijliyāñ lahū ke evaz

shabāb kahte haiñ jis chiiz ko qayāmat hai

ragon mein dauDti hain bijliyan lahu ke ewaz

shabab kahte hain jis chiz ko qayamat hai

jhuuT hai sab tārīḳh hamesha apne ko dohrātī hai

achchhā merā ḳhvāb-e-javānī thoḌā sā dohrā.e to

jhuT hai sab tariKH hamesha apne ko dohraati hai

achchha mera KHwab-e-jawani thoDa sa dohrae to