Sher on Intezar
Intezar shayari aptly
captures the turmoil of a man while he is waiting for someone, something. Enjoy the outstanding urdu shayari that we have compiled for all those who are still waiting their turn.
ik raat vo gayā thā jahāñ baat rok ke
ab tak rukā huā huuñ vahīñ raat rok ke
ek raat wo gaya tha jahan baat rok ke
ab tak ruka hua hun wahin raat rok ke
mujhe ḳhabar thī mirā intizār ghar meñ rahā
ye hādsa thā ki maiñ umr bhar safar meñ rahā
mujhe KHabar thi mera intizar ghar mein raha
ye hadsa tha ki main umr bhar safar mein raha
shab-e-intizār kī kashmakash meñ na pūchh kaise sahar huī
kabhī ik charāġh jalā diyā kabhī ik charāġh bujhā diyā
shab-e-intizar ki kashmakash mein na puchh kaise sahar hui
kabhi ek charagh jala diya kabhi ek charagh bujha diya
allāh re be-ḳhudī ki tire paas baiTh kar
terā hī intizār kiyā hai kabhī kabhī
o lord! There are times when such is my raptured state
even though I am with you, and yet for you I wait
allah re be-KHudi ki tere pas baiTh kar
tera hi intizar kiya hai kabhi kabhi
o lord! There are times when such is my raptured state
even though I am with you, and yet for you I wait
-
Tags : Bekhudiand 1 more
va.ada nahīñ payām nahīñ guftugū nahīñ
hairat hai ai ḳhudā mujhe kyuuñ intizār hai
wada nahin payam nahin guftugu nahin
hairat hai ai KHuda mujhe kyun intizar hai
jise na aane kī qasmeñ maiñ de ke aayā huuñ
usī ke qadmoñ kī aahaT kā intizār bhī hai
jise na aane ki qasmen main de ke aaya hun
usi ke qadmon ki aahaT ka intizar bhi hai
ḳhatm ho jā.egā jis din bhī tumhārā intizār
ghar ke darvāze pe dastak chīḳhtī rah jā.egī
KHatm ho jaega jis din bhi tumhaara intizar
ghar ke darwaze pe dastak chiKHti rah jaegi
-
Tag : Awaz
jāntā hai ki vo na ā.eñge
phir bhī masrūf-e-intizār hai dil
jaanta hai ki wo na aaenge
phir bhi masruf-e-intizar hai dil
khulā hai dar pa tirā intizār jaatā rahā
ḳhulūs to hai magar e'tibār jaatā rahā
khula hai dar pa tera intizar jata raha
KHulus to hai magar e'tibar jata raha
vo aa rahe haiñ vo aate haiñ aa rahe hoñge
shab-e-firāq ye kah kar guzār dī ham ne
wo aa rahe hain wo aate hain aa rahe honge
shab-e-firaq ye kah kar guzar di hum ne
darvāza khulā hai ki koī lauT na jaa.e
aur us ke liye jo kabhī aayā na gayā ho
darwaza khula hai ki koi lauT na jae
aur us ke liye jo kabhi aaya na gaya ho
be-ḳhudī le ga.ī kahāñ ham ko
der se intizār hai apnā
be-KHudi le gai kahan hum ko
der se intizar hai apna
din guzarte jā rahe haiñ aur hujūm-e-ḳhush-gumāñ
muntazir baiThā hai aab o ḳhaak se bichhḌā huā
din guzarte ja rahe hain aur hujum-e-KHush-guman
muntazir baiTha hai aab o KHak se bichhDa hua
-
Tag : Waqt
na intizār karo in kā ai azā-dāro
shahīd jaate haiñ jannat ko ghar nahīñ aate
na intizar karo in ka ai aza-daro
shahid jate hain jannat ko ghar nahin aate
-
Tag : Shaheed
ishq kachche ghaḌe pe Duub gayā
lamha jab intizār kā aayā
ishq kachche ghaDe pe Dub gaya
lamha jab intizar ka aaya
bārhā terā intizār kiyā
apne ḳhvāboñ meñ ik dulhan kī tarah
barha tera intizar kiya
apne KHwabon mein ek dulhan ki tarah
itnā maiñ intizār kiyā us kī raah meñ
jo rafta rafta dil mirā bīmār ho gayā
itna main intizar kiya us ki rah mein
jo rafta rafta dil mera bimar ho gaya
tujhe gale se lagā ke bhī dekhā jā.egā
abhī to mujh ko tirā intizār karnā hai
tujhe gale se laga ke bhi dekha jaega
abhi to mujh ko tera intizar karna hai
fazā-e-dil pe kahīñ chhā na jaa.e yaas kā rañg
kahāñ ho tum ki badalne lagā hai ghaas kā rañg
faza-e-dil pe kahin chha na jae yas ka rang
kahan ho tum ki badalne laga hai ghas ka rang
ai gardisho tumheñ zarā tāḳhīr ho ga.ī
ab merā intizār karo maiñ nashe meñ huuñ
ai gardisho tumhein zara taKHir ho gai
ab mera intizar karo main nashe mein hun
-
Tag : Nasha
kab Thahregā dard ai dil kab raat basar hogī
sunte the vo ā.eñge sunte the sahar hogī
kab Thahrega dard ai dil kab raat basar hogi
sunte the wo aaenge sunte the sahar hogi
-
Tags : Dardand 2 more
bāġh-e-bahisht se mujhe hukm-e-safar diyā thā kyuuñ
kār-e-jahāñ darāz hai ab mirā intizār kar
Why did you bid me leave from paradise for now
My work is yet unfinished here so you wil have to wait
bagh-e-bahisht se mujhe hukm-e-safar diya tha kyun
kar-e-jahan daraaz hai ab mera intizar kar
Why did you bid me leave from paradise for now
My work is yet unfinished here so you wil have to wait
kaTte kisī tarah se nahīñ haa.e kyā karūñ
din ho ga.e pahāḌ mujhe intizār ke
kaTte kisi tarah se nahin hae kya karun
din ho gae pahaD mujhe intizar ke
un ke aane ke ba.ad bhī 'jālib'
der tak un kā intizār rahā
un ke aane ke baad bhi 'jalib'
der tak un ka intizar raha
kahīñ vo aa ke miTā deñ na intizār kā lutf
kahīñ qubūl na ho jaa.e iltijā merī
let her not come to me and this pleasure destroy
let not my prayers be answered, for waiting is a joy
kahin wo aa ke miTa den na intizar ka lutf
kahin qubul na ho jae iltija meri
let her not come to me and this pleasure destroy
let not my prayers be answered, for waiting is a joy
-
Tag : Iltija
kabhī is raah se guzre vo shāyad
galī ke moḌ par tanhā khaḌā huuñ
kabhi is rah se guzre wo shayad
gali ke moD par tanha khaDa hun
mujh ko ye aarzū vo uThā.eñ naqāb ḳhud
un ko ye intizār taqāzā kare koī
I had hoped she would unveil at her own behest
and she waits for someone to make a request
mujh ko ye aarzu wo uThaen naqab KHud
un ko ye intizar taqaza kare koi
I had hoped she would unveil at her own behest
and she waits for someone to make a request
ab in hudūd meñ laayā hai intizār mujhe
vo aa bhī jaa.eñ to aa.e na e'tibār mujhe
ab in hudud mein laya hai intizar mujhe
wo aa bhi jaen to aae na e'tibar mujhe
ye intizār na Thahrā koī balā Thahrī
kisī kī jaan ga.ī aap kī adā Thahrī
ye intizar na Thahra koi bala Thahri
kisi ki jaan gai aap ki ada Thahri
is havā meñ kar rahe haiñ ham tirā hī intizār
aa kahīñ jaldī se saaqī shīsha o sāġhar samet
is hawa mein kar rahe hain hum tera hi intizar
aa kahin jaldi se saqi shisha o saghar samet
hai kis kā intizār ki ḳhvāb-e-adam se bhī
har baar chauñk paḌte haiñ āvāz-e-pā ke saath
hai kis ka intizar ki KHwab-e-adam se bhi
har bar chaunk paDte hain aawaz-e-pa ke sath
koī aayā na aa.egā lekin
kyā kareñ gar na intizār kareñ
she came not, nor is likely to
save waiting what else can I do
koi aaya na aaega lekin
kya karen gar na intizar karen
she came not, nor is likely to
save waiting what else can I do
yuuñ raat ga.e kis ko sadā dete haiñ aksar
vo kaun hamārā thā jo vāpas nahīñ aaya
yun raat gae kis ko sada dete hain aksar
wo kaun hamara tha jo wapas nahin aaya
ye daaġh daaġh ujālā ye shab-gazīda sahar
vo intizār thā jis kā ye vo sahar to nahīñ
ye dagh dagh ujala ye shab-gazida sahar
wo intizar tha jis ka ye wo sahar to nahin
-
Tag : Famous shayari
maut kā intizār baaqī hai
aap kā intizār thā na rahā
maut ka intizar baqi hai
aap ka intizar tha na raha
-
Tag : Maut
ye intizār kī ghaḌiyāñ ye shab kā sannāTā
is ek shab meñ bhare haiñ hazār saal ke din
ye intizar ki ghaDiyan ye shab ka sannaTa
is ek shab mein bhare hain hazar sal ke din
-
Tag : Welcome
muddat huī palak se palak āshnā nahīñ
kyā is se ab ziyāda kare intizār chashm
muddat hui palak se palak aashna nahin
kya is se ab ziyaada kare intizar chashm
ab ḳhaak uḌ rahī hai yahāñ intizār kī
ai dil ye bām-o-dar kisī jān-e-jahāñ ke the
ab KHak uD rahi hai yahan intizar ki
ai dil ye baam-o-dar kisi jaan-e-jahan ke the
-
Tag : Baam
tamām umr tirā intizār ham ne kiyā
is intizār meñ kis kis se pyaar ham ne kiyā
tamam umr tera intizar hum ne kiya
is intizar mein kis kis se pyar hum ne kiya
-
Tags : Ishqand 1 more
isī ḳhayāl meñ har shām-e-intizār kaTī
vo aa rahe haiñ vo aa.e vo aa.e jaate haiñ
isi KHayal mein har sham-e-intizar kaTi
wo aa rahe hain wo aae wo aae jate hain
aah qāsid to ab talak na phirā
dil dhaḌaktā hai kyā huā hogā
aah qasid to ab talak na phira
dil dhaDakta hai kya hua hoga
-
Tags : Bechainiand 1 more
sadiyoñ tak ehtimām-e-shab-e-hijr meñ rahe
sadiyoñ se intizār-e-sahar kar rahe haiñ ham
sadiyon tak ehtimam-e-shab-e-hijr mein rahe
sadiyon se intizar-e-sahar kar rahe hain hum
tamām umr yuuñ hī ho ga.ī basar apnī
shab-e-firāq ga.ī roz-e-intizār aayā
tamam umr yun hi ho gai basar apni
shab-e-firaq gai roz-e-intizar aaya
guzar hī jā.eñge tere firāq ke mausam
har intizār ke aage bhī haiñ maqām ka.ī
guzar hi jaenge tere firaq ke mausam
har intizar ke aage bhi hain maqam kai
kabhī to dair-o-haram se tū aa.egā vāpas
maiñ mai-kade meñ tirā intizār kar lūñgā
kabhi to dair-o-haram se tu aaega wapas
main mai-kade mein tera intizar kar lunga
-
Tags : Dair-o-Haramand 1 more
kamāl-e-ishq to dekho vo aa ga.e lekin
vahī hai shauq vahī intizār baaqī hai
kamal-e-ishq to dekho wo aa gae lekin
wahi hai shauq wahi intizar baqi hai
-
Tag : Bekhudi
vo na aa.egā hameñ ma.alūm thā is shaam bhī
intizār us kā magar kuchh soch kar karte rahe
wo na aaega hamein malum tha is sham bhi
intizar us ka magar kuchh soch kar karte rahe
-
Tag : Shaam
tere aane kī kyā umiid magar
kaise kah duuñ ki intizār nahīñ
tere aane ki kya umid magar
kaise kah dun ki intizar nahin