bharī duniyā meñ jī nahīñ lagtā

jaane kis chiiz kī kamī hai abhī

bhari duniya mein ji nahin lagta

jaane kis chiz ki kami hai abhi

na ab vo yādoñ kā chaḌhtā dariyā na fursatoñ kī udaas barkhā

yūñhī zarā sī kasak hai dil meñ jo zaḳhm gahrā thā bhar gayā vo

na ab wo yaadon ka chaDhta dariya na fursaton ki udas barkha

yunhi zara si kasak hai dil mein jo zaKHm gahra tha bhar gaya wo

niiñd aatī nahīñ to subah talak

gard-e-mahtāb kā safar dekho

nind aati nahin to subah talak

gard-e-mahtab ka safar dekho

vo shahr meñ thā to us ke liye auroñ se bhī milnā paḌtā thā

ab aise-vaise logoñ ke maiñ naaz uThā.ūñ kis ke liye

wo shahr mein tha to us ke liye auron se bhi milna paDta tha

ab aise-waise logon ke main naz uThaun kis ke liye

ye kah ke chheḌtī hai hameñ dil-giraftagī

ghabrā ga.e haiñ aap to bāhar hī le chaleñ

ye kah ke chheDti hai hamein dil-giraftagi

ghabra gae hain aap to bahar hi le chalen