Sher on Nasiihat

har shaḳhs par kiyā na karo itnā e'timād

har sāya-dār shai ko shajar mat kahā karo

har shaKHs par kiya na karo itna e'timad

har saya-dar shai ko shajar mat kaha karo

nāseh kī nasīhat se hai zid aur bhī dil ko

suntā nahīñ hoshyār kī dīvāna hamārā

naseh ki nasihat se hai zid aur bhi dil ko

sunta nahin hoshyar ki diwana hamara

hazār aap nasīhat kareñ magar nāseh

jise qubūl kare dil vahī munāsib hai

hazar aap nasihat karen magar naseh

jise qubul kare dil wahi munasib hai

mazā aatā nasīhat meñ bhī shāyad

agar nāseh zarā dīvāna hotā

maza aata nasihat mein bhi shayad

agar naseh zara diwana hota

hai zaatī soch zarūrī ye zehn meñ rakhnā

dimāġh ḳhālī ho tab log kaan bharte haiñ

hai zati soch zaruri ye zehn mein rakhna

dimagh KHali ho tab log kan bharte hain