āvāz de ke dekh lo shāyad vo mil hī jaa.e
varna ye umr bhar kā safar rā.egāñ to hai
aawaz de ke dekh lo shayad wo mil hi jae
warna ye umr bhar ka safar raegan to hai
-
Tag : WhatsApp
mohabbat soz bhī hai saaz bhī hai
ḳhamoshī bhī hai ye āvāz bhī hai
mohabbat soz bhi hai saz bhi hai
KHamoshi bhi hai ye aawaz bhi hai
-
Tags : Ishqand 2 more
vo ḳhush-kalām hai aisā ki us ke paas hameñ
tavīl rahnā bhī lagtā hai muḳhtasar rahnā
wo KHush-kalam hai aisa ki us ke pas hamein
tawil rahna bhi lagta hai muKHtasar rahna
-
Tags : Husnand 1 more
lahja ki jaise sub.h kī ḳhushbū azaan de
jī chāhtā hai maiñ tirī āvāz chuum luuñ
lahja ki jaise subh ki KHushbu azan de
ji chahta hai main teri aawaz chum lun
-
Tag : khush-bayaani
ḳhudā kī us ke gale meñ ajiib qudrat hai
vo boltā hai to ik raushnī sī hotī hai
KHuda ki us ke gale mein ajib qudrat hai
wo bolta hai to ek raushni si hoti hai
-
Tag : khush-bayaani
sabr par dil ko to āmāda kiyā hai lekin
hosh uḌ jaate haiñ ab bhī tirī āvāz ke saath
sabr par dil ko to aamada kiya hai lekin
hosh uD jate hain ab bhi teri aawaz ke sath
bolte rahnā kyūñki tumhārī bātoñ se
lafzoñ kā ye bahtā dariyā achchhā lagtā hai
bolte rahna kyunki tumhaari baaton se
lafzon ka ye bahta dariya achchha lagta hai
-
Tag : khush-bayaani
maut ḳhāmoshī hai chup rahne se chup lag jā.egī
zindagī āvāz hai bāteñ karo bāteñ karo
maut KHamoshi hai chup rahne se chup lag jaegi
zindagi aawaz hai baaten karo baaten karo
-
Tags : Mautand 1 more
chhup ga.e vo sāz-e-hastī chheḌ kar
ab to bas āvāz hī āvāz hai
chhup gae wo saz-e-hasti chheD kar
ab to bas aawaz hi aawaz hai
gum rahā huuñ tire ḳhayāloñ meñ
tujh ko āvāz umr bhar dī hai
gum raha hun tere KHayalon mein
tujh ko aawaz umr bhar di hai
-
Tag : Yaad
us ġhairat-e-nāhīd kī har taan hai dīpak
sho.ala sā lapak jaa.e hai āvāz to dekho
us ghairat-e-nahid ki har tan hai dipak
shoala sa lapak jae hai aawaz to dekho
dhīme suroñ meñ koī madhur giit chheḌiye
Thahrī huī havāoñ meñ jaadū bikheriye
dhime suron mein koi madhur git chheDiye
Thahri hui hawaon mein jadu bikheriye
phuul kī ḳhushbū havā kī chaap shīshe kī khanak
kaun sī shai hai jo terī ḳhush-bayānī meñ nahīñ
phul ki KHushbu hawa ki chap shishe ki khanak
kaun si shai hai jo teri KHush-bayani mein nahin
-
Tag : khush-bayaani
koī aayā tirī jhalak dekhī
koī bolā sunī tirī āvāz
koi aaya teri jhalak dekhi
koi bola suni teri aawaz
-
Tags : Ishqand 1 more
lai meñ Duubī huī mastī bharī āvāz ke saath
chheḌ de koī ġhazal ik na.e andāz ke saath
lai mein Dubi hui masti bhari aawaz ke sath
chheD de koi ghazal ek nae andaz ke sath
-
Tag : khush-bayaani
tirī āvāz ko is shahr kī lahreñ tarastī haiñ
ġhalat number milātā huuñ to pahroñ baat hotī hai
teri aawaz ko is shahr ki lahren tarasti hain
ghalat number milata hun to pahron baat hoti hai
charāġh jalte haiñ bād-e-sabā mahaktī hai
tumhāre husn-e-takallum se kyā nahīñ hotā
charagh jalte hain baad-e-saba mahakti hai
tumhaare husn-e-takallum se kya nahin hota
-
Tag : khush-bayaani
maiñ jo bolā kahā ki ye āvāz
usī ḳhāna-ḳharāb kī sī hai
main jo bola kaha ki ye aawaz
usi KHana-KHarab ki si hai
haath jis ko lagā nahīñ saktā
us ko āvāz to lagāne do
hath jis ko laga nahin sakta
us ko aawaz to lagane do
us kī āvāz meñ the saare ḳhad-o-ḳhāl us ke
vo chahaktā thā to hañste the par-o-bāl us ke
us ki aawaz mein the sare KHad-o-KHal us ke
wo chahakta tha to hanste the par-o-baal us ke
merī ye aarzū hai vaqt-e-marg
us kī āvāz kaan meñ aave
meri ye aarzu hai waqt-e-marg
us ki aawaz kan mein aawe
-
Tags : Aarzooand 1 more
mujh se jo chāhiye vo dars-e-basīrat liije
maiñ ḳhud āvāz huuñ merī koī āvāz nahīñ
mujh se jo chahiye wo dars-e-basirat lije
main KHud aawaz hun meri koi aawaz nahin
-
Tag : Teacher
ḳhāmoshī ke nāḳhun se chhil jaayā karte haiñ
koī phir in zaḳhmoñ par āvāzeñ maltā hai
KHamoshi ke naKHun se chhil jaya karte hain
koi phir in zaKHmon par aawazen malta hai
-
Tags : Khamoshiand 1 more
ye bhī ejaaz mujhe ishq ne baḳhshā thā kabhī
us kī āvāz se maiñ diip jalā saktā thā
ye bhi ejaz mujhe ishq ne baKHsha tha kabhi
us ki aawaz se main dip jala sakta tha
dard-e-dil pahle to vo sunte na the
ab ye kahte haiñ zarā āvāz se
dard-e-dil pahle to wo sunte na the
ab ye kahte hain zara aawaz se
-
Tags : Dardand 1 more
khanak jaate haiñ jab sāġhar to pahroñ kaan bajte haiñ
are tauba baḌī tauba-shikan āvāz hotī hai
khanak jate hain jab saghar to pahron kan bajte hain
are tauba baDi tauba-shikan aawaz hoti hai
-
Tags : Famous shayariand 1 more
raat ik ujḌe makāñ par jā ke jab āvāz dī
guuñj uTThe bām-o-dar merī sadā ke sāmne
raat ek ujDe makan par ja ke jab aawaz di
gunj uTThe baam-o-dar meri sada ke samne
maiñ us ko kho ke bhī us ko pukārtī hī rahī
ki saarā rabt to āvāz ke safar kā thā
main us ko kho ke bhi us ko pukarti hi rahi
ki sara rabt to aawaz ke safar ka tha
ek āvāz ne toḌī hai ḳhamoshī merī
DhūñDhtā huuñ to pas-e-sāhil-e-shab kuchh bhī nahīñ
ek aawaz ne toDi hai KHamoshi meri
DhunDhta hun to pas-e-sahil-e-shab kuchh bhi nahin
ḳhatm ho jā.egā jis din bhī tumhārā intizār
ghar ke darvāze pe dastak chīḳhtī rah jā.egī
KHatm ho jaega jis din bhi tumhaara intizar
ghar ke darwaze pe dastak chiKHti rah jaegi
-
Tag : Intezar
us raste par pīchhe se itnī āvāzeñ aa.iiñ 'jamāl'
ek jagah to ghuum ke rah ga.ī eḌī sīdhe paañv kī
us raste par pichhe se itni aawazen aain 'jamal'
ek jagah to ghum ke rah gai eDi sidhe panw ki
umr-bhar ko mujhe be-sadā kar gayā
terā ik baar muñh pher kar bolnā
umr-bhar ko mujhe be-sada kar gaya
tera ek bar munh pher kar bolna