satāyā aaj munāsib jagah pe bārish ne

isī bahāne Thahar jaa.eñ us kā ghar hai yahāñ

sataya aaj munasib jagah pe barish ne

isi bahane Thahar jaen us ka ghar hai yahan

'ash.har' bahut sī pattiyāñ shāḳhoñ se chhin ga.iiñ

tafsīr kyā kareñ ki havā tez ab bhī hai

'ashhar' bahut si pattiyan shaKHon se chhin gain

tafsir kya karen ki hawa tez ab bhi hai

daraḳht haath hilāte the rahnumā.ī ko

musāfiroñ ne to kuchh bhī nahīñ kahā mujh se

daraKHt hath hilate the rahnumai ko

musafiron ne to kuchh bhi nahin kaha mujh se

ḳhud ko jab bhuul se jaate haiñ to yuuñ lagtā hai

zindagī tere azāboñ se nikal aa.e haiñ

KHud ko jab bhul se jate hain to yun lagta hai

zindagi tere azabon se nikal aae hain

jo log lauT ke ḳhud mere paas aa.e haiñ

vo pūchhte haiñ ki 'ash.har' yahīñ pe ab tak ho

jo log lauT ke KHud mere pas aae hain

wo puchhte hain ki 'ashhar' yahin pe ab tak ho