zindagī kī bhī yaqīnan koī manzil hogī

ye safar hī kī tarah ek safar hai ki nahīñ

zindagi ki bhi yaqinan koi manzil hogi

ye safar hi ki tarah ek safar hai ki nahin

aise kho.e sahar ke dīvāne

lauT kar shaam tak na ghar aa.e

aise khoe sahar ke diwane

lauT kar sham tak na ghar aae

ho na jab tak 'matīn' kaif-e-ġham

aadmī ko ḳhudā nahīñ miltā

ho na jab tak 'matin' kaif-e-gham

aadmi ko KHuda nahin milta

ḳhudā mahfūz rakkhe intishār-e-rahnumā.ī se

isī manzil pe aa ke aadmī dīvāna hotā hai

KHuda mahfuz rakkhe intishaar-e-rahnumai se

isi manzil pe aa ke aadmi diwana hota hai

tūfāñ se bach ke Duubī hai kashtī kahāñ na pūchh

sāhil bhī e'tibār ke qābil nahīñ rahā

tufan se bach ke Dubi hai kashti kahan na puchh

sahil bhi e'tibar ke qabil nahin raha