zamīñ par ghar banāyā hai magar jannat meñ rahte haiñ

hamārī ḳhush-nasībī hai ki ham bhārat meñ rahte haiñ

zamin par ghar banaya hai magar jannat mein rahte hain

hamari KHush-nasibi hai ki hum bhaarat mein rahte hain

mujhe jis haal meñ chhoḌā usī hālat meñ pāogī

baḌī īmān-dārī se tumhārā hijr kaaTā hai

mujhe jis haal mein chhoDa usi haalat mein paogi

baDi iman-dari se tumhaara hijr kaTa hai

'aql aur 'ishq laḌte rahe der tak

'aql maarī ga.ī 'ishq zinda rahā

'aql aur 'ishq laDte rahe der tak

'aql mari gai 'ishq zinda raha

tum mujhe apnī qasam de kar kaho

'āfrīdī' aap cigarette chhoḌ deñ

tum mujhe apni qasam de kar kaho

'afridi' aap cigarette chhoD den

tumhāre husn ko kab tak varaq varaq paḌhte

so ek raat meñ puurī kitāb paḌh Daalī

tumhaare husn ko kab tak waraq waraq paDhte

so ek raat mein puri kitab paDh Dali