tez rakhiyo sar-e-har-ḳhār ko ai dasht-e-junūñ

shāyad aa jaa.e koī ābla-pā mere ba.ad

tez rakhiyo sar-e-har-KHar ko ai dasht-e-junun

shayad aa jae koi aabla-pa mere baad

lutf-e-shab-e-mah ai dil us dam mujhe hāsil ho

ik chāñd baġhal meñ ho ik chāñd muqābil ho

lutf-e-shab-e-mah ai dil us dam mujhe hasil ho

ek chand baghal mein ho ek chand muqabil ho

dil meñ ik iztirāb baaqī hai

ye nishān-e-shabāb baaqī hai

dil mein ek iztirab baqi hai

ye nishan-e-shabab baqi hai

sahrā meñ 'havas' ḳhār-e-muġhīlāñ kī madad se

baare mirā ḳhuuñ har ḳhas-o-ḳhāshāk ko pahuñchā

sahra mein 'hawas' KHar-e-mughilan ki madad se

bare mera KHun har KHas-o-KHashak ko pahuncha

sab ham-safīr chhoḌ ke tanhā chale ga.e

kunj-e-qafas meñ mujh ko giraftār dekh kar

sab ham-safir chhoD ke tanha chale gae

kunj-e-qafas mein mujh ko giraftar dekh kar