dekhā nahīñ us ko kitne din se

uñglī pe kiyā hisāb ham ne

dekha nahin us ko kitne din se

ungli pe kiya hisab hum ne

maiñ agar chup huuñ ye bahtā huā dariyā kyā hai

lab-kushā huuñ to mirī baat se pahle kyā thā

main agar chup hun ye bahta hua dariya kya hai

lab-kusha hun to meri baat se pahle kya tha

kisī kā naam na luuñ aur ġhazal ke parde meñ

bayān us kī maiñ saarī sifāt bhī kar luuñ

kisi ka nam na lun aur ghazal ke parde mein

bayan us ki main sari sifat bhi kar lun

qaid-e-āvārgī-e-jāñ hī bahut hai mujh ko

ek dīvār mirī ruuh ke andar na banā

qaid-e-awargi-e-jaan hi bahut hai mujh ko

ek diwar meri ruh ke andar na bana

apnā shahkār abhī ai mire but-gar na banā

dil dhaḌaktā hai mirā tū mujhe patthar na banā

apna shahkar abhi ai mere but-gar na bana

dil dhaDakta hai mera tu mujhe patthar na bana