ab shīsha-e-sā.at kī tarah ḳhushkī ke baa.is

girya kī jagah ret nikaltī hai gulū se

ab shisha-e-saat ki tarah KHushki ke bais

girya ki jagah ret nikalti hai gulu se

gar ye aañsū haiñ to laakh āveñge dariyā josh meñ

gar ye āñkheñ haiñ to dikhlāveñgī tūfāñ saikaḌoñ

gar ye aansu hain to lakh aawenge dariya josh mein

gar ye aankhen hain to dikhlawengi tufan saikaDon

kuchh is qadar nahīñ safar-e-hastī-o-adam

gar paañv uThā.iye to ye arsa hai do qadam

kuchh is qadar nahin safar-e-hasti-o-adam

gar panw uThaiye to ye arsa hai do qadam

saudā hai ye kis zulf kā is ko jo hamesha

dīvāna tirā pheñke hai zanjīr havā par

sauda hai ye kis zulf ka is ko jo hamesha

diwana tera phenke hai zanjir hawa par

tū ham-damoñ se judā rah ki TuuT jaatā hai

habāb ke jo qarīñ dūsrā habāb aayā

tu ham-damon se juda rah ki TuT jata hai

habab ke jo qarin dusra habab aaya