tū dard bhī duā bhī tū zaḳhm bhī davā bhī

shikve bhī haiñ tujhī se aur pyaar bhī tujhī se

tu dard bhi dua bhi tu zaKHm bhi dawa bhi

shikwe bhi hain tujhi se aur pyar bhi tujhi se

shaam kī shaam se sargoshī sunī thī ik baar

bas tabhī se tujhe imkān meñ rakkhā huā hai

sham ki sham se sargoshi suni thi ek bar

bas tabhi se tujhe imkan mein rakkha hua hai

kitnī vīrānī hai mere andar

kis qadar terī kamī hai mujh meñ

kitni virani hai mere andar

kis qadar teri kami hai mujh mein

bin tire vaqt hī guzartā hai

bin tire zindagī nahīñ hotī

bin tere waqt hi guzarta hai

bin tere zindagi nahin hoti

ab to vo shahr-e-ḳhamoshāñ kā makīñ ho chukā hai

apnī āñkhoñ se mire aañsū bahāne vaalā

ab to wo shahr-e-KHamoshan ka makin ho chuka hai

apni aankhon se mere aansu bahane wala