maiñ ek ḳhāna-ba-dosh huuñ jis kā ghar hai duniyā

so apne kāñdhe pe le ke ye ghar bhaTak rahā huuñ

main ek KHana-ba-dosh hun jis ka ghar hai duniya

so apne kandhe pe le ke ye ghar bhaTak raha hun

maiñ tujh se milne samay se pahle pahuñch gayā thā

so tere ghar ke qarīb aa kar bhaTak rahā huuñ

main tujh se milne samay se pahle pahunch gaya tha

so tere ghar ke qarib aa kar bhaTak raha hun

ye tai huā thā ki ḳhuub ro.eñge jab mileñge

ab us ke shāne pe sar hai to hañste jā rahe haiñ

ye tai hua tha ki KHub roenge jab milenge

ab us ke shane pe sar hai to hanste ja rahe hain

ye jism tañg hai siine meñ bhī lahū kam hai

dil ab vo phuul hai jis meñ ki rañg-o-bū kam hai

ye jism tang hai sine mein bhi lahu kam hai

dil ab wo phul hai jis mein ki rang-o-bu kam hai

maiñ apnī maut se ḳhalvat meñ milnā chāhtā huuñ

so merī naav meñ bas maiñ huuñ nāḳhudā nahīñ hai

main apni maut se KHalwat mein milna chahta hun

so meri naw mein bas main hun naKHuda nahin hai