ye dil ajiib hai aksar kamāl kartā hai

javāb jin kā nahīñ vo savāl kartā hai

ye dil ajib hai aksar kamal karta hai

jawab jin ka nahin wo sawal karta hai

ḳhvāb dekhe the TuuT kar maiñ ne

TuuT kar ḳhvāb dekhte haiñ mujhe

KHwab dekhe the TuT kar main ne

TuT kar KHwab dekhte hain mujhe

patthar na banā de mujhe mausam kī ye saḳhtī

mar jaa.eñ mire ḳhvāb na ta.abīr ke Dar se

patthar na bana de mujhe mausam ki ye saKHti

mar jaen mere KHwab na tabir ke Dar se

maiñ shar kī sharārat se to hoshyār huuñ lekin

allāh bachā.e to bachūñ ḳhair ke shar se

main shar ki shararat se to hoshyar hun lekin

allah bachae to bachun KHair ke shar se

ye parinde jo muñDeroñ pe khulī dhuup meñ haiñ

bāl-o-par apne sukhā.eñge chale jā.eñge

ye parinde jo munDeron pe khuli dhup mein hain

baal-o-par apne sukhaenge chale jaenge