kuchh is adā se mohabbat-shanās honā hai

ḳhushī ke baab meñ mujh ko udaas honā hai

kuchh is ada se mohabbat-shanas hona hai

KHushi ke bab mein mujh ko udas hona hai

ye āshiqī tire bas kī nahīñ so rahne de

ki terā kaam to bas nā-sipās honā hai

ye aashiqi tere bas ki nahin so rahne de

ki tera kaam to bas na-sipas hona hai

azal se merī hifāzat kā farz hai un par

sabhī dukhoñ ko mere ās-pās honā hai

azal se meri hifazat ka farz hai un par

sabhi dukhon ko mere aas-pas hona hai

us ne ik baar to jhāñkā bhī thā mujh meñ lekin

us se dekhī na ga.ī vus.at-e-tanhā.ī mirī

us ne ek bar to jhanka bhi tha mujh mein lekin

us se dekhi na gai wusat-e-tanhai meri

maiñ aaj sog manānā sikhāne vaalā huuñ

idhar ko aa.eñ jinheñ mahv-e-yās honā hai

main aaj sog manana sikhane wala hun

idhar ko aaen jinhen mahw-e-yas hona hai