haDDiyāñ baap kī guude se huī haiñ ḳhālī

kam se kam ab to ye beTe bhī kamāne lag jaa.eñ

haDDiyan bap ki gude se hui hain KHali

kam se kam ab to ye beTe bhi kamane lag jaen

khulegā un pe jo bainassutūr paḌhte haiñ

vo harf harf jo aḳhbār meñ nahīñ aatā

khulega un pe jo bainassutur paDhte hain

wo harf harf jo aKHbar mein nahin aata

khilaune kī taḌap meñ ḳhud khilaunā vo na ban jaa.e

mirā bachcha saḌak par rezgārī le ke niklā hai

khilaune ki taDap mein KHud khilauna wo na ban jae

mera bachcha saDak par rezgari le ke nikla hai