hañs hañs ke kah rahā hai jalānā savāb hai

zālim ye merā dil hai charāġh-e-haram nahīñ

hans hans ke kah raha hai jalana sawab hai

zalim ye mera dil hai charagh-e-haram nahin

jo merī chashm ke parde sharīk ho jaate

kamāl-e-dāman-e-abr-e-bahār baḌh jaatā

jo meri chashm ke parde sharik ho jate

kamal-e-daman-e-abr-e-bahaar baDh jata

siye jaate haiñ kafan aap ke dīvānoñ ke

taar dāman ke haiñ TukḌe haiñ garebānoñ ke

siye jate hain kafan aap ke diwanon ke

tar daman ke hain TukDe hain garebanon ke

vo gesū baḌhte jaate haiñ balā.eñ hotī haiñ nāzil

qadam tak aa ga.e jab hashr aalam meñ bapā hogā

wo gesu baDhte jate hain balaen hoti hain nazil

qadam tak aa gae jab hashr aalam mein bapa hoga

zindagī kahte haiñ kis ko maut kis kā naam hai

mehrbānī aap kī nā-meharbānī aap kī

zindagi kahte hain kis ko maut kis ka nam hai

mehrbani aap ki na-meharbani aap ki