visāl-e-yār se duunā huā ishq

maraz baḌhtā gayā juuñ juuñ davā kī

visal-e-yar se duna hua ishq

maraz baDhta gaya jun jun dawa ki

na taḌapne kī ijāzat hai na fariyād kī hai

ghuT ke mar jā.ūñ ye marzī mire sayyād kī hai

na taDapne ki ijazat hai na fariyaad ki hai

ghuT ke mar jaun ye marzi mere sayyaad ki hai

javānī se ziyāda vaqt-e-pīrī josh hotā hai

bhaḌaktā hai charāġh-e-sub.h jab ḳhāmosh hotā hai

jawani se ziyaada waqt-e-piri josh hota hai

bhaDakta hai charagh-e-subh jab KHamosh hota hai

ishq-e-mizhgāñ meñ hazāroñ ne gale kaTvā.e

īd-e-qurbāñ meñ jo vo le ke chhurī baiTh gayā

ishq-e-mizhgan mein hazaron ne gale kaTwae

id-e-qurban mein jo wo le ke chhuri baiTh gaya

ham na bigḌeñge agar chasm-numā.ī hogī

phir kahīñ aañkh laḌā.ī to laḌā.ī hogī

hum na bigDenge agar chasm-numai hogi

phir kahin aankh laDai to laDai hogi