ham rah-ravān-e-shauq haiñ manzil kī fikr kyā

le jaa.eñ naqsh-e-pā tire ham ko jahāñ kahīñ

hum rah-rawan-e-shauq hain manzil ki fikr kya

le jaen naqsh-e-pa tere hum ko jahan kahin

karte nahīñ kisī pe ayaañ ham ki ai 'salīm'

darmān-e-zindagī ho ye dard-e-nihāñ kahīñ

karte nahin kisi pe ayan hum ki ai 'salim'

darman-e-zindagi ho ye dard-e-nihan kahin

rāh-e-vafā meñ is liye phirtā huuñ sar-ba-kaf

mil jaa.e kab vo dushman-e-ārām-e-jāñ kahīñ

rah-e-wafa mein is liye phirta hun sar-ba-kaf

mil jae kab wo dushman-e-aram-e-jaan kahin