faqat tum hī nahīñ nārāz mujh se jān-e-jānāñ

mire andar kā insāñ tak ḳhafā hai intihā hai

faqat tum hi nahin naraaz mujh se jaan-e-jaanan

mere andar ka insan tak KHafa hai intiha hai

mujhe vo chhoḌ kar jab se gayā hai intihā hai

rag-o-pai meñ fazā-e-karbalā hai intihā hai

mujhe wo chhoD kar jab se gaya hai intiha hai

rag-o-pai mein faza-e-karbala hai intiha hai

rañg kyā ajab diyā merī bevafā.ī ko

us ne yuuñ kiyā ki mere ḳhat jalā.e uud meñ

rang kya ajab diya meri bewafai ko

us ne yun kiya ki mere KHat jalae ud mein

ḳhirad ke laakh qāsid haiñ to hoñge

junūñ kā nāma-bar koī nahīñ hai

KHirad ke lakh qasid hain to honge

junun ka nama-bar koi nahin hai

havādis bhī vahīñ ham bhī vahīñ haiñ

magar ab chashm-e-tar koī nahīñ hai

hawadis bhi wahin hum bhi wahin hain

magar ab chashm-e-tar koi nahin hai