be-ḳhudī meñ ham to terā dar samajh kar jhuk ga.e

ab ḳhudā ma.alūm ka.aba thā ki vo but-ḳhāna thā

be-KHudi mein hum to tera dar samajh kar jhuk gae

ab KHuda malum kaba tha ki wo but-KHana tha

na āñkhoñ meñ aañsū na lab par tabassum

mohabbat meñ aise bhī lamhāt aa.e

na aankhon mein aansu na lab par tabassum

mohabbat mein aise bhi lamhat aae

un kī taraf bhī dekho zarā ai gadā-navāz

dāman hī tere sāmne phailā ke rah ga.e

un ki taraf bhi dekho zara ai gada-nawaz

daman hi tere samne phaila ke rah gae