chhup kar na rah sakegā vo ham se ki us ko ham

pahchān leñge us kī kisī ik adā se bhī

chhup kar na rah sakega wo hum se ki us ko hum

pahchan lenge us ki kisi ek ada se bhi

taarī hai har taraf jo ye aalam sukūt kā

tūfāñ kā pesh-ḳhema samajh ḳhāmushī nahīñ

tari hai har taraf jo ye aalam sukut ka

tufan ka pesh-KHema samajh KHamushi nahin

us ik diye se hue kis qadar diye raushan

vo ik diyā jo kabhī bām-o-dar meñ tanhā thā

us ek diye se hue kis qadar diye raushan

wo ek diya jo kabhi baam-o-dar mein tanha tha

uThā ye shor vahīñ se sadāoñ kā kyūñ-kar

vo aadmī to sunā apne ghar meñ tanhā thā

uTha ye shor wahin se sadaon ka kyun-kar

wo aadmi to suna apne ghar mein tanha tha

vo chup lagī hai ki hañstā hai aur na rotā hai

ye ho gayā hai ḳhudā jaane dil ko raat se kyā

wo chup lagi hai ki hansta hai aur na rota hai

ye ho gaya hai KHuda jaane dil ko raat se kya