añdheroñ meñ ujāle DhūñDhtā huuñ

ye husn-e-zan hai yā dīvāna-pan hai

andheron mein ujale DhunDhta hun

ye husn-e-zan hai ya diwana-pan hai

diloñ meñ zaḳhm hoñToñ par tabassum

usī kā naam to zinda-dilī hai

dilon mein zaKHm honTon par tabassum

usi ka nam to zinda-dili hai

gul ġhunche āftāb shafaq chāñd kahkashāñ

aisī koī bhī chiiz nahīñ jis meñ tū na ho

gul ghunche aaftab shafaq chand kahkashan

aisi koi bhi chiz nahin jis mein tu na ho

maiñ auroñ ko kyā parkhūñ ā.ina-e-ālam meñ

muhtāj-e-shanāsā.ī jab apnā hī chehrā hai

main auron ko kya parkhun aaina-e-alam mein

muhtaj-e-shanasai jab apna hi chehra hai

shab-e-firāq ka.ī baar gosha-e-dil se

uThī to aah magar aah be-asar uTThī

shab-e-firaq kai bar gosha-e-dil se

uThi to aah magar aah be-asar uTThi